U mnohich bujnych kramach niekalki hadzin nielha było raspłacicca płastykam.
Jak paviedamili ŭ AAT «Bankaŭski pracesinhavy centr», 5 lutaha pačynajučy z 14.45 byli zboi ŭ pracy kanałaŭ suviazi, arhanizavanych pravajdarami mižnarodnych płaciežnych sistem Visa i MasterCard.
«Hetyja zboi nijak nie źviazanyja z prafiłaktyčnymi rabotami, što pravodzilisia AAT «Bankaŭski pracesinhavy centr» u noč z 4 na 5 lutaha, pra jakija banki byli svoječasova prainfarmavanyja», — padkreślili ŭ pracesinhavym centry.
Pavodle źviestak śpiecyjalistaŭ centra, 6 lutaha z 6.22 i pa zaraz kanał ź mižnarodnaj płaciežnaj sistemaj VISA pracuje stabilna.
U pracy kanała ź mižnarodnaj płaciežnaj sistemaj MasterCard pa hety čas nazirajucca pieraboi.
«Vyšejapisanyja techničnyja prablemy nie adnosiacca da zony adkaznaści pradpryjemstva AAT «Bankaŭski pracesinhavy centr», — padkreślili ŭ centry.
Prablem z absłuhoŭvańniem bankaŭskich kartak unutranaj płaciežnaj sistemy «BiełKart» zafiksavana nie było. Apieracyi pa bankaŭskich kartkach płaciežnaj sistemy «BiełKart» apracoŭvajucca ŭ štatnym režymie.
Pavodle źviestak Nacbanka, u Biełarusi kolkaść płastykavych kartak, što znachodziacca ŭ abychodžańni, pavialičyłasia za 2011 hod na 6,7% — da 9,863 młn. štuk na 1 studzienia 2012 hoda. U tym liku 4,382 młn. kartak sistemy «BiełKart», 5,482 młn. kartak mižnarodnych płaciežnych sistem.
Pavodle źviestak na 1 studzienia 2012 hoda ŭ Biełarusi ŭstanoŭlena 3,317 tys. bankamataŭ, 3,191 tys. infakijoskaŭ i 80 impryntaraŭ, 25,747 tys. arhanizacyj handlu (servisu) asnaščany 40,729 tys. płaciežnych terminałaŭ.
Na 1 studzienia 2012 hoda 24 banki Biełarusi emitavali płastykavyja kartki ŭnutranych, mižnarodnych i ŭnutranych pryvatnych płaciežnych sistem.
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie8
Kamientary