Pra heta zajaviŭ namieśnik staršyni praŭleńnia Nacyjanalnaha banka Biełarusi Siarhiej Dubkoŭ 16 lutaha padčas forumu «Rynak kapitału Respubliki Biełaruś» u Minsku.
«Nie varta čakać chutkaha źnižeńnia pracentnych stavak», — skazaŭ jon, zaznačyŭšy, što zaraz staŭka refinansavańnia stała źnižacca płaŭna.
«Kali raniej rost staŭki refinansavańnia adbyvaŭsia na 5 pracentnych punktaŭ, to zaraz jana źniziłasia na 2 pracentnyja punkty», — kanstatavaŭ Dubkoŭ.
Pavodle jaho słoŭ, pracentnaja palityka Nacbanka ŭ 2012 hodzie budzie «ŭzvažanaj, skiravanaj najpierš na padtrymańnie manietarnaj stabilnaści i zabieśpiačeńnie zbałansavanaha raźvićcia ekanomiki».
Dubkoŭ taksama zaznačyŭ, što palityka Nacbanka budzie skiravanaja na dasiahnieńnie stanoŭčaha ŭzroŭniu realnych pracentnych stavak u ekanomicy. «Pry hetym varta ŭličvać zachoŭvajemyja vysokija inflacyjnyja i devalvacyjnyja čakańni, a taksama najaŭnaść peŭnych ryzykaŭ u źniešnim siektary. Tamu nie treba čakać chutkaha źnižeńnia naminalnych pracentnych stavak u ekanomicy dla pavieličeńnia abjomaŭ kredytavańnia realnaha siektara», — skazaŭ pradstaŭnik Nacbanka.
U 2011 hodzie, nahadajem, na fonie rostu inflacyi staŭka refinansavańnia ŭ Biełarusi pavyšałasia 12 razoŭ, z 10,5% na pačatak hoda da 45% u śniežni. Razam z tym, u suviazi sa źnižeńniem inflacyi Nacbank Biełarusi 15 lutaha źniziŭ staŭku refinansavania da 43%.
Ciapier čytajuć
Ministr suviazi: Abmiežavańni mabilnaha internetu zakranuć 1,7 miljona biełarusaŭ13
Kamientary