U simvaličny śpis dadali 19 sudovych čynoŭnikaŭ i dvuch milicejskich načalnikaŭ.
Takoje rašeńnie siońnia pryniaŭ Rada ministraŭ zamiežnych spravaŭ Jeŭrasajuza na pasiadžeńni ŭ Bruseli. U śpis uvajšli 19 čynoŭnikaŭ z sudovaj sistemy Biełarusi i 2 milicejskija čynoŭniki, paviedamlaje radyjo «Svaboda».
Sankcyi praduhledžvajuć zabaronu na ŭjezd na terytoryju krain ES i zamarožvańnie aktyvaŭ, kali takija jość.
* * *
Nahadajem, na pasiadžeńni 10 lutaha Rada Jeŭrasajuza pryniała pastanovu, jakaja pašyraje mahčymaści prymianieńnia sankcyj u dačynieńni da biełaruskich fizičnych i jurydyčnych asob, datyčnych da parušeńniaŭ asnoŭnych pravoŭ i svabod.
«Pryniatyja papraŭki pašyrajuć kryteryi dla prymianieńnia abmiežavalnych mier i zamarožvańnia aktyvaŭ, — havaryłasia ŭ paviedamleńni
Palityčnaje rašeńnie ab vizavych i ekanamičnych sankcyjach u dačynieńni da Biełarusi było pryniata Radaj ES 31 studzienia 2011 hoda ŭ Brusieli, kali ministry zamiežnych spraŭ krain Jeŭrasajuza zaćvierdzili śpis biełaruskich čynoŭnikaŭ, adkaznych za parušeńni pravoŭ čałavieka ŭ chodzie prezidenckaj kampanii. Hetym asobam zabaroniena naviedvać terytoryju ES, a ich rachunki i majomaść u krainach ES pavinny być zamarožany.
Pieršapačatkova ŭ śpisie było 158 imionaŭ. Potym Rada ES nieadnarazova pašyrała hety pieralik, i ciapier ujezd u ES zabaronieny bolš čym 200 biełaruskim čynoŭnikam. Pavodle nieaficyjnaj infarmacyi, razhladajecca mahčymaść uklučeńnia ŭ śpis jašče 135 biełaruskich čynoŭnikaŭ.
Tema jeŭrapiejskich sankcyj ciapier aktyŭna abmiarkoŭvajecca ŭnutry Biełarusi. Padstavaj stała inicyjatyva arhanizacyi «Ofis za demakratyčnuju Biełaruś», jakaja ličyć, što śpis nieŭjaznych treba pierahledzieć i ŭdakładnić kryteryi ŭniasieńnia ŭ jaho. Mnohija ŭ Biełarusi rezka raskrytykavali inicyjatyvu «Ofisa za demakratyčnuju Biełaruś».
Bližejšym časam buduć vyzvaleny bolš za 150 palitźniavolenych39
Kamientary