Stali viadomyja pryčyny i akaličnaści traŭmavańnia navučenca ahrarnaha kaledža na čyhuncy pad Oršaj (Viciebskaja vobłaść) 26 lutaha.
21-hadovy žychar vioski Abuchava Aršanskaha rajona byŭ špitalizavany z dyjahnazam «ahulnaje pieraachaładžeńnie arhanizmu, abmarožańnie halonki i stupniaŭ, rvanaja rana pramiežnaści, pierałom chvastca, hłybokaja mazhavaja koma». U komie małady čałaviek znachodzicca i zaraz.
Jak paviedamiŭ pres-sakratar upraŭleńnia ŭnutranych spraŭ na transparcie Alaksandr Marčanka, praviedzienaja pravierka pakazała, što napiaredadni trahiedyi paciarpieły razam ź siabram jeździli ŭ Oršu, kab kupić mabilnyja telefony, adnak ničoha vybrać nie zmahli. Adznačyŭšy heta, jany na dyziel-ciahniku adpravilisia dadomu, adnak vyjšli raniej i dalej ich šlachi razyšlisia.
Adzin ź siabroŭ zastaŭsia ŭ rajonie stancyi, dzie, jak miarkujecca, jon, stamiŭšysia, vyrašyŭ adpačyć na čyhunačnych šlachach. U vyniku atrymaŭ abmarožańnie. A ŭžo ranicaj 26 lutaha na maładoha čałavieka, jaki lažaŭ pamiž rejkami, najechaŭ dyziel-ciahnik Lepiel — Orša.
Kamientary