Pryčyna — vierahodnaść afrykanskaj čumy na Navahradčynie.
Hałoŭny dziaržaŭny inśpiektar vieterynarnaj miedycyny Ukrainy Ivan Bisiuk časova zabaraniŭ uvoz na terytoryju Ukrainy spryjalnych da afrykanskaj čumy śviniej (AČS) žyvioł, pradukcyi ź śvininy i syraviny ź ich ź Biełarusi.Takoje rašeńnie było abumoŭlena vierahodnaściu zanieści ŭzbudžalnika AČS va Ŭkrainu ź Biełarusi, paviedamlaje pres-słužba Dziaržaŭnaj vieterynarnaj fitasanitarnaj słužby.
Abmiežavańnie impartu miasnoj pradukcyi praciahniecca da vyśviatleńnia ŭsich akaličnaściaŭ.
U viedamstvie adznačyli, što ŭ siaredzinie lutaha ŭ vioscy Niaznanava Navahrudskaha rajona było kanfiskavana i źniščana ŭsio pahałoŭje śviniej z pryvatnych haspadarak hramadzian. Zhodna z zajavami Ministerstva sielskaj haspadarki Biełarusi i departamienta vieterynarnaha i charčovaha kantrolu respubliki, nazvanyja dziejańni byli ździejśnienyja ŭ ramkach vučeńniaŭ pa baraćbie z afrykanskaj čumoj śviniej.
Adnak isnuje niebiaśpieka, što heta byli nie vučeńni, a reakcyja na najaŭnaść chvaroby śviniej. Reč u tym, što apošnija hady čuma śviniej pieryjadyčna źjaŭlajecca ŭ Rasii, a biełaruska-rasijskaja miaža isnuje tolki na papiery. Tamu isnuje ryzyka zanosu ŭzbudžalnika AČS z Rasii ŭ Biełaruś, a paśla raspaŭsiudžvańnia i va Ŭkrainie, miarkujuć u Kijevie.
Adnačasova Ukraina prypyniła impart małočnaj pradukcyi z 1 sakavika. U hetym vypadku Kijeŭ spasyłajecca na ślady antybijotykaŭ u biełaruskaj małočcy. Adnak tut sprava moža być i ŭ inšym. Rasija z palityčnych pryčyn spyniła impart ukrainskich syroŭ, i Kijeŭ takim čynam vyzvalaje rynak dla ŭłasnaj pradukcyi. Na Biełarusi adyhryvajucca jak na prydatku Rasii.
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii9
Kamientary