Milicyja prosić hramadzian dapamahčy ŭ vyšuku Traceŭskaj Viery Uładzimiraŭny 1973 hoda naradžeńnia, jakaja na momant źniknieńnia adbyvała pakarańnie ŭ Vietkaŭskaj papraŭčaj kałonii-pasialeńni № 21.
Jak paviedamili ŭ kałonii-pasialeńni, 13 lutaha 2012 hoda prykładna ŭ 9 hadzin žančyna pajšła na pryjom u palikliniku i da hetaha času ŭ raźmiaščeńnie kałonii nie źjaviłasia. Zrešty, i ŭ palikliniku asudžanaja nie źjaviłasia. Pavodle słoŭ supracoŭnikaŭ kałonii, pakul jaje pošuki nie dali vynikaŭ, chacia byli pravierany svajaki, znajomyja i miescy, dzie mahła źjavicca žančyna.
U kałonii-pasialeńni papiaredzili, što žančyna — «chitraja machlarka, moža lohka ŭvajści ŭ davier hramadzian, paprasić dapamohi, raskazvajučy pry hetym dušaščypalnyja historyi pra svoj niaščasny los».
Umovy adbyvańnia pakarańnia ŭ kałonii-pasialeńni takija, što asudžanyja mohuć na niekatory čas zastavacca biez nahladu, naprykład, na pracy na sielhaspradpryjemstvach ci ŭ arhanizacyjach Vietki. Jany mohuć mieć znosiny z volnymi ludźmi, naviedać, naprykład, mahazin. Hetaj niekatoraj svabodaj i skarystałasia machlarka pry adbyvańni pakarańnia. Jana ŭmudryłasia vyjści na suviaź pa telefonie ź minskimi pradprymalnikami, paabiacać im pastaŭki sielhaspradukcyi i jašče atrymać ad biźniesmienaŭ papiaredniuju apłatu. Takim čynam, za tydzień da zapłanavanych uciokaŭ žančyna padmannym šlacham zavałodała 10 młn. rubloŭ.
29 lutaha raspačata kryminalnaja sprava za ŭchileńnie ad adbyvańnia pakarańnia, Vietkaŭski RAUS taksama pravodzić pravierku pa fakcie machlarstva, pa vynikach jakoj, nie vyklučana, budzie raspačata jašče adna kryminalnaja sprava ŭ dačynieńni da źnikłaj asudžanaj.
Kamientary