U Biełarusi — 20% sapraŭdnych viernikaŭ
Kožny piaty biełarus ličyć siabie sapraŭdnym viernikam, śviedčać vyniki apytańnia Instytuta sacyjałohii NAN.
Pra heta paviedamiŭ dyrektar instytuta, doktar sacyjałahičnych navuk, prafiesar Ihar Katlaroŭ 15 sakavika na pasiadžeńni kruhłaha stała «Relihijny faktar nacyjanalnaj biaśpieki Biełarusi» ŭ Minsku.
Pavodle jaho słoŭ, pry hetym na pytańnie
«Ci byli vy ŭ minuły vychadny ŭ chramie?» śćviardžalna adkazali tolki 6% udzielnikaŭ apytańnia.
Ź liku biełarusaŭ, jakija ličać siabie sapraŭdnymi viernikami, — 69,5% žančyn i 30,5% mužčyn. Kožny čaćviorty viernik — starejšy za 70 hadoŭ. Pryčym ź liku tych, chto štodzionna naviedvaje chram, — 42% niepracujučyja piensijaniery. Pierš za ŭsio, da viernikaŭ siabie adnosiać ludzi ź siaredniaj niapoŭnaj i siaredniaj ahulnaj adukacyjaj. Jak praviła, takija ludzi zamužam abo žanatyja.
Siarod tych, chto adnosić siabie da sapraŭdnych viernikaŭ, 57,3% — pravasłaŭnyja, 34,5% — katoliki, 3,1% — pratestanty.
Jak paviedamiŭ Katlaroŭ, vyniki apytańnia taksama śviedčać, što vierniki imknucca zachavać stabilnaść u hramadstvie. «Hetyja ludzi nikoli nie pojduć na demanstracyju, nie buduć brać udzieł u zabastoŭkach, nie voźmuć siakiery, viły i h.d.», — skazaŭ pradstaŭnik NAN. Pavodle jaho słoŭ, vierniki taksama starajucca nie pierachodzić z adnaho miesca pracy na inšaje.
Na pieršym miescy siarod maralnych kaštoŭnaściaŭ viernikaŭ — siamja i viera.
Što da ŭdziełu ŭ
Pavodle słoŭ Katlarova, vierniki ŭ pryncypie za ŭvachodžańnie ŭ Jeŭrasajuz, ale kateharyčna suprać uvachodžańnia ŭ NATO.Kali havaryć pra adnosiny Biełarusi i Rasii, 63,7% viernikaŭ ličać, što Biełaruś pavinna być niezaležnaj dziaržavaj, 27,5% — Biełaruś pavinna budavać sajuznuju dziaržavu z Rasijaj i mienš za 3% — Biełaruś pavinna ŭvajści ŭ skład Rasii.
Vyniki apytańnia taksama śviedčać, što vierniki suprać raździaržaŭleńnia ŭłasnaści i ŭ toj ža čas padtrymlivajuć pieradaču ziamli ŭ pryvatnuju ŭłasnaść.
U cełym, jak paviedamiŭ Katlaroŭ, siońnia bolš čym dźvie traciny žycharoŭ Biełarusi ličać, što relihija važnaja ŭ krainie. 32,1% ź ich pierakananyja, što heta spryjaje maralnamu palapšeńniu ludziej, 25,8% — dapamahaje zachavać kulturu i tradycyi naroda, abjadnoŭvaje ludziej, 22,4% — daje čałavieku suciašeńnie i pakorlivaść, 16,8% — dapamahaje znajści sens žyćcia.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»12
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary