Кожны пяты беларус лічыць сябе сапраўдным вернікам, сведчаць вынікі апытання Інстытута сацыялогіі НАН.
Пра гэта паведаміў дырэктар інстытута, доктар сацыялагічных навук, прафесар Ігар Катляроў 15 сакавіка на пасяджэнні круглага стала «Рэлігійны фактар нацыянальнай бяспекі Беларусі» ў Мінску.
Паводле яго слоў, пры гэтым на пытанне
«Ці былі вы ў мінулы выхадны ў храме?» сцвярджальна адказалі толькі 6% удзельнікаў апытання.
З ліку беларусаў, якія лічаць сябе сапраўднымі вернікамі, — 69,5% жанчын і 30,5% мужчын. Кожны чацвёрты вернік — старэйшы за 70 гадоў. Прычым з ліку тых, хто штодзённа наведвае храм, — 42% непрацуючыя пенсіянеры. Перш за ўсё, да вернікаў сябе адносяць людзі з сярэдняй няпоўнай і сярэдняй агульнай адукацыяй. Як правіла, такія людзі замужам або жанатыя.
Сярод тых, хто адносіць сябе да сапраўдных вернікаў, 57,3% — праваслаўныя, 34,5% — католікі, 3,1% — пратэстанты.
Як паведаміў Катляроў, вынікі апытання таксама сведчаць, што вернікі імкнуцца захаваць стабільнасць у грамадстве. «Гэтыя людзі ніколі не пойдуць на дэманстрацыю, не будуць браць удзел у забастоўках, не возьмуць сякеры, вілы і г.д.», — сказаў прадстаўнік НАН. Паводле яго слоў, вернікі таксама стараюцца не пераходзіць з аднаго месца працы на іншае.
На першым месцы сярод маральных каштоўнасцяў вернікаў — сям’я і вера.
Што да ўдзелу ў
Паводле слоў Катлярова, вернікі ў прынцыпе за ўваходжанне ў Еўрасаюз, але катэгарычна супраць уваходжання ў НАТО.Калі гаварыць пра адносіны Беларусі і Расіі, 63,7% вернікаў лічаць, што Беларусь павінна быць незалежнай дзяржавай, 27,5% — Беларусь павінна будаваць саюзную дзяржаву з Расіяй і менш за 3% — Беларусь павінна ўвайсці ў склад Расіі.
Вынікі апытання таксама сведчаць, што вернікі супраць раздзяржаўлення ўласнасці і ў той жа час падтрымліваюць перадачу зямлі ў прыватную ўласнасць.
У цэлым, як паведаміў Катляроў, сёння больш чым дзве траціны жыхароў Беларусі лічаць, што рэлігія важная ў краіне. 32,1% з іх перакананыя, што гэта спрыяе маральнаму паляпшэнню людзей, 25,8% — дапамагае захаваць культуру і традыцыі народа, аб’ядноўвае людзей, 22,4% — дае чалавеку суцяшэнне і пакорлівасць, 16,8% — дапамагае знайсці сэнс жыцця.
Каментары