«Niekatoryja palityčnyja źniavolenyja znachodziacca na miažy śmierci. Heta nie moža być pakinuta biez adkazu».
U ich lik uvachodziać sudździ, prakurory, jakija, pavodle ES, uciahnutyja ŭ represii ŭ Biełarusi, a biznesoŭcy, jakija spansarujuć Łukašenku abo źjaŭlajucca beneficyjarami ŭłady Łukašenki.
Novyja dadatki da vizavaha «čornaha śpisu» jašče nie apublikavanyja, adnak udzielniki pasiedžańnia paviedamili, što ŭ śpis trapili tolki 2 biznesoŭcy — Anatol Tarnaŭski i Juryj Čyž.U śpisie firmaŭ — kampanija Tarnaŭskaha «Univiest», siarod astatnich — tyja, što naležać Čyžu i Piefcijevu. Adnak u śpis nie trapili kampanija Čyža, jakaja supracoŭnicaje sa Słavienijaj, i try kampanii, jakija majuć biznesovyja suviazi z Łatvijaj.
Ministr zamiežnych spraŭ Polščy Radasłaŭ Sikorski nie chavaje, što nie źviazvaje z novymi zachadami vialikich nadziejaŭ: «Heta vykazvańnie našaj salidarnaści ź biełaruskim hramadstvam i niehatyŭnaj acenki taho, što robiać ułady»,- cytuje Sikorskaha ahienctva PAP.Polski ministr padkreśliŭ, što situacyja z pravami čałavieka ŭ Biełarusi horšaje: «Niekatoryja palityčnyja źniavolenyja znachodziacca na miažy śmierci. Heta nie moža być pakinuta biez adkazu».
Anałahičny śpis byŭ dapoŭnieny i dačynieńni da Siryi, dzie praciahvajecca paŭstańnie. Siarod 12 novych asobaŭ u siryjskim śpisie — žonka prezidenta Asma Asad i inšyja rodnyja i svajaki Bašara Asada.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary