Pry demantažy staroj vodanapornaj viežy na Sieńnienščynie rabočyja skinuli na ziamlu buślinaje hniazdo.
Chto vinavaty i što rabić u padobnych vypadkach? Z hetym pytańniem žurnalistka sieńnienskaj «rajonki» źviarnułasia da miascovych ekołahaŭ.
«Buślinym hniozdam nie miesca na vodanapornych viežach. Ni ŭ jakim razie nielha dapuskać, kab ptuški sialilisia tam»,— kaža načalnik Inśpiekcyi pryrodnych resursaŭ i achovy navakolnaha asiarodździa Alaksandr Jakubovič.
Zhodna z narmatyvami, vodanapornyja viežy pavinny być hiermietyčnymi, a bak — začynieny. Da taho, ž nie radziej adnaho razu na hod bak musić čyścicca.
Kali ž buślinaje hniazdo znachodzicca na viežy praciahły čas, to čystka, vidavočna, nie pravodziłasia ŭvohule.
«Ptuška, jakaja pasialiłasia tut, zabrudžvaje sanitarnuju zonu. Vypadki, kali my štrafavali sielhasarhanizacyi za nievykanańnie hetych patrabavańniaŭ, davoli častyja»,kaža Kaciaryna Dźjakovič, načalnica rajonnaha Centra hihijeny i epidemijałohii.
Tamu, jak by ptuški ni było škada, hniazdu nie miesca na vodanapornaj viežy. Inšaja sprava, što pieranosić hniozdy možna tolki paśla adlotu busłoŭ u vyraj. Viarnuŭšysia viasnoj na radzimu i nie znajšoŭšy žytła, ptuška pabuduje sabie novy dom. Možna joj u hetym dapamahčy — zrabić draŭlany ci mietaličny karkas i zamacavać na drevie.
Ale heta nie zadača kamunalnikaŭ ci rabočych sielhaspradpryjemstvaŭ.
Kali jany znosiać hniozdy zimoj, nijakich pretenzij da ich inśpiekcyja pryrodnych resursaŭ i achovy navakolnaha asiarodździa pradjavić nie moža.
Nie varta šukać vinavatych i kali hniazdo z busłami zvaliłasia razam sa starym słupam. Takoje niaščaście adbyłosia minułym letam u adnoj ź viosak Sieńnienskaha rajona (na zdymku).
Tady miascovych žycharoŭ cikaviła tolki adno pytańnie: chto adkaža za hibiel ptuški — simvała Biełarusi?
Razvodzić rukami my ŭsie ŭmiejem, a voś realna dapamahčy busłam — biarucca niamnohija.
Ciapier čytajuć
Ździełka Trampa z Pucinym: čym za jaje mohuć zapłacić Ukraina i Biełaruś15
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary