Na poŭnačy Mieksiki palicyja aryštavała 8 čałaviek u suviazi z zabojstvam dvuch 10-hadovych chłopčykaŭ i žančyny z metaj rytualnych achviaraprynašeńniaŭ.
Prakuratura štata Sanora śćviardžaje, što padazravanyja naležać da kultu La Santa Muerte, abo «Śviataja śmierć».
Kult šanavańnia śmierci imkliva raspaŭsiudžvajecca ŭ apošni čas u krainie. Raniej nie było nijakich paćvierdžańniaŭ zabojstvaŭ, źviazanych ź mistyčnym kultam, jakija spałučajuć u sabie katalicyzm ź indziejskimi pahanskimi vieravańniami.
Pradstaŭnik prakuratury štata Sanora Chase Łarynaha zajaviŭ, što apošniaje zabojstva było ździejśniena ŭ pačatku hetaha miesiaca, a dva raniejšyja ŭ 2009 i 2010 hadach.
Kroŭ achviar udzielniki kultu źbirali ŭ kruhły ałtar kala svajho idała ŭ vyhladzie škileta, jaki ŭvasablaje śmierć z kasoj.
Cieły zabitych byli znojdzienyja na miescy śviatyni ŭ nievialikim šachciorskim sieliščy Nakazary. Rasśledavańnie pačałosia paśla taho, jak siamja 10-hadovaha Chiesusa Aktavija Marcines Jansensa paviedamiła ab jaho źniknieńni ŭ pačatku miesiaca.
Pradstaŭnik prakuratury raspavioŭ, što zabojstvy byli ździejśnienyja nočču padčas admysłovaha rytuału.
«Jany razrezali vieny achviar i, pakul tyja jašče byli žyvyja, nazirali za ich śmierciu, źbirajučy kroŭ u admysłovy posud», - raspavioŭ Chase Łarynaha.
Mnohija z aryštavanych naležali da adnoj siamji.Silvija Mieras, adna z padazravanych, i jaje syn Ramon Pałasias, pa słovach prakuroraŭ, lidery kultu.
Kamientary