Kancern «Biellehpram» nie admaŭlajecca ad pryvatyzacyi pradpryjemstvaŭ i vitaje prychod inviestaraŭ. Pra heta 3 krasavika žurnalistam zajaviła namieśnik staršyni kancerna Ludmiła Ciahłova.
«Śpis pryvatyzacyi vyznačany i raźbity pa hadach. Uvohule, pryvatyzacyi my nie baimsia. Inšaja razmova, kab pryvatyzacyja nie stała «prychvatyzacyjaj», — skazała jana. Asnoŭnyja ŭmovy pry prodažy dziaržaŭnaha pakieta akcyj — zachavańnie profilu pradpryjemstva i pracoŭnych miescaŭ, zaznačyła namieśnik staršyni kancerna. Pavodle jaje słoŭ, u lohkuju pramysłovaść układziena dastatkova šmat dziaržaŭnych srodkaŭ. «Addavać pradpryjemstvy ŭ čužyja ruki nam škada, ale ŭsio pavinna być racyjanalna i efiektyŭna», — zaznačyła Ciahłova.
Razam z tym, dadała jana, pry pryvatyzacyi zaraz adznačajecca tendencyja, kali ŭ dziaržavy ŭsio roŭna zastajecca vialikaja dola akcyj.
«U lohkuju pramysłovaść pakul bujnyja inviestary asabliva nie iduć.Ale my nad hetym pracujem. Na našu dumku, lohkaja pramysłovaść bolš pryciahalnaja, tamu što nie patrabuje vielmi vialikich układańniaŭ hrošaj», — miarkuje Ciahłova.
Pry hetym jana padkreśliła, što lohkaja pramysłovaść pradoŭžyć raźvićcio niezaležna ad taho, pryjdzie ci nie pryjdzie inviestar.
Jana taksama adznačyła cikavaść kitajskich i tureckich inviestaraŭ. Tak, Turcyja i Kitaj brali ŭdzieł u konkursie pa techničnym pieraŭzbrajeńni AAT «Kamvol». Taksama viaducca pieramovy z kitajskaj kampanijaj pa budaŭnictvie novaha viciebskaha futravaha kambinata. «My starajemsia kožnaje naša techničnaje pieraŭzbrajeńnie vystaŭlać na konkurs i pryciahvać inviestaraŭ», — zaznačyła Ciahłova.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia12
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary