Ryhor Baradulin, Hienadź Buraŭkin, Radzim Harecki i Anatol Hryckievič — za sklikańnie Usiebiełaruskaha źjezdu.
Padziei apošniaha času ŭ žyćci Baćkaŭščyny vyklikajuć vostruju tryvohu za jaje budučyniu.
Finansavy kryzis, devalvacyja rubla vyjavili słabaść ajčynnaj ekanomiki. Raspačaty prodaž dziaržaŭnaj majomaści pahražaje strataj nacyjanalnaha bahaćcia, nažytaha mnohimi pakaleńniami biełarusaŭ.Niaŭmolna pahłyblajucca ekałahičnyja i demahrafičnyja prablemy.Z-za niepradbačlivaj i niepaśladoŭnaj zamiežnaj palityki naša kraina niastrymna addalajecca ad demakratyčnaha śvietu i ŭparta kocicca da mižnarodnaj izalacyi. Nastojlivymi vysiłkami čynavienstva hruba i niaŭchilna dyskryminujecca nacyjanalnaja kultura, vyciskajecca sa štodzionnaha ŭžytku biełaruskaja mova — padsiakajucca karani nacyi.
Usio heta stavić pad pahrozu nie tolki pierśpiektyvy cyvilizavanaha raźvićcia Respubliki Biełaruś, ale i jaje niezaležnaść.
Nadyšoŭ čas usioj hramadoj praanalizavać siońniašni dzień Radzimy, znajści šlachi vypraŭleńnia kalektyŭnych pamyłak i pralikaŭ, ćviaroza i ćviorda pastavić zadačy dalejšaha stanaŭleńnia i śćviardžeńnia nacyjanalnaj dziaržavy.Historyja nikoli i nikomu nie daruje biaździejnaści na składanych, vyznačalnych jaje pavarotach. Usie zdarovyja siły našaha hramadstva musiać adkinuć asabistyja i karparatyŭnyja ambicyi dziela śviatoj i hałoŭnaj mety — svabody i ščaścia naroda.
U haziecie «Narodnaja Vola» za 2 sakavika
Uładzimir Niaklajeŭ vykazaŭ prapanovu ab sklikańni Usiebiełaruskaha źjezdu. My padtrymlivajem hetuju prapanovu — i ŭsich, chto zaniepakojeny losam Baćkaŭščyny, zaklikajem da jadnańnia!
Davajcie schamianiomsia. Davajcie adumajemsia. Davajcie zhurtujemsia. Davajcie ŭśviadomim narešcie svoj abaviazak pierad naščadkami, pierad čałaviectvam, pierad historyjaj, pierad Biełaruśsiu.
My možam pieramahčy. My pavinny pieramahčy. My pieramožam, kali budziem razam.
Ryhor Baradulin, Hienadź Buraŭkin, Radzim Harecki, Anatol Hryckievič, sustaršyni Usiebiełaruskaha źjezdu za niezaležnaść 2000 h.
-
Łukašenka pačynaje ŭśviedamlać nastupstvy razbureńnia suśvietnaha paradku
-
Sieviaryniec: Taja linija, jakuju viadzie Babaryka — heta nie majo. A z Kaleśnikavaj moža vyraści kłasny biełaruski palityk
-
Bialacki ŭ tekście dla New York Times: Śviet nie pavinien śpisvać Biełaruś jak krainu, jakaja kančatkova adyšła ŭ śfieru ŭpłyvu Rasii
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ19
Kamientary