Prysud budzie vyniesieny 8 krasavika.
Jak paviedamiŭ sajt ex-press.by, prakuror Cinciavicki paprasiŭ dla Alaksandra Małčanava 1,5 hoda kałonii strahaha režymu, a dla Arcioma Ihnacikava — 1,5 hoda ŭmoŭna.
Praces nad Małčanavym i Ihnacikavym pačaŭsia 2 krasavika. Ich vinavaciać u kradziažy 400 kh mietałałomu z terytoryi kavalskaha zavoda ciažkich štampovak u Žodzinie.
Alaksandr byŭ asudžany pa spravie 19 śniežnia na 3 hady kałonii. Vyzvaleny ŭ vieraśni zahadam Łukašenki. Prašeńnie ab pamiłavańni nie padpisaŭ. Paśla vyzvaleńnia jon niejki čas pravioŭ u IČU Barysa — jaho padazravali ŭ abrazie dziaržaŭnaha ściaha: 26 kastryčnika 2010 hoda ŭ centry Barysava byli zalityja farbaj. Kryminalnuju spravu spačatku spynili praz adsutnaść dokazaŭ, a zatym znoŭ adnavili. Na svabodzie jon nie moh uładkavacca na pracu — jaho nie chacieli nikudy brać.
8 krasavika praces pačniecca a 10.00 u sudzie h. Žodzina (vuł. Bresckaja, 5a) z apošniaha słova Małčanava. A zatym sudździa Hrynkievič vyniasie prysud.
Ciapier čytajuć
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary