Pachvaliŭ «demakratyčnaść» biełaruskich vybaraŭ i atrymaŭ kantrakt na 267 miljonaŭ jeŭra
Aŭstryjskija ŚMI nazyvajuć byłoha
Aŭstryjski infarmacyjny časopis NEWS źmiaściŭ u svajoj internet-versii interviju eks-vice-kanclera Huberta Horbacha, jakoje jon daŭ adrazu paśla prezydenckich vybaraŭ u Biełarusi ŭ 2010 hodzie. Horbacha zaprasiŭ u Miensk kiraŭnik biełaruskaha MZS Siarhiej Martynaŭ — u jakaści naziralnika za vybarami i prosta «hanarovaj asoby». Zajavy Horbacha, jaki, na ździŭleńnie bolšaści zamiežnych naziralnikaŭ, śćvierdziŭ, što biełaruskija vybary prajšli ŭ adpaviednaści z zachodnimi demakratyčnymi standartami, urazili šmat kaho nia tolki ŭ Aŭstryi, ale i ŭ inšych krainach EZ. Jak piša NEWS, siońnia hetyja dziŭnyja zajavy znajšli svajo tłumačeńnie.
Aŭstryjskaje vydańnie apublikavała niekatoryja buchhaltarskija dakumenty kansałtynhavaj firmy, jakaja naležyć eks-vice-kancleru Hubertu Horbachu. Tak, ad vieraśnia 2007 hodu Horbach, siarod inšaha, mieŭ kantrakt ź firmaj Kapsch TrafficCom, jakaja płaciła jamu jak kansultantu 3 tysiačy eŭra ŭ miesiac.
Jak stała viadoma aŭstryjskim žurnalistam, sioleta ŭ kancy lutaha Kapsch TrafficCom atrymała ad biełaruskaha ŭradu 267 miljonaŭ eŭra na stvareńnie biełaruskaj nacyjanalnaj elektronnaj systemy, kab spahaniać płatu za prajezd pa darohach Biełarusi.
NEWS apublikavała taksama i inšyja dakumenty, jakija śviedčać pra pradprymalnickija kantakty Horbacha, u pryvatnaści, z byłymi łabistami aŭstryjskaha Telekom — jakomu naležyć biełaruski aperatar mabilnaj suviazi Velcom.
Što da kantraktu pamiž Kapsch TrafficCom i Biełaruśsiu, to pry kancy lutaha pra padpisańnie hetaj investycyjnaj damovy paviedamlała i BiełTA.
Jak zajaviŭ ahienctvu ministar transpartu i kamunikacyi Ivan Ščerba, jaki padpisaŭ hety dakument ź biełaruskaha boku, «u Biełarusi naśpieła nieabchodnaść uvieści systemu aŭstryjskaj kampanii Kapsch TrafficCom». Pavodle jahonych słovaŭ, transpartnyja patoki, jakija prachodziać pa terytoryi krainy, niaspynna pavialičvajucca. Pakul ža ŭ Biełarusi płatnaj zastajecca tolki adna aŭtadaroha — M-1/Je30. Adnak biełaruski bok maje namier zrabić u budučyni płatnymi ŭsio rekanstrujavanyja darohi, daviedzienyja da pieršaj katehoryi.
Pavodle BiełaPAN, Kapsch TrafficCom atrymaje ad biełaruskaha zakazčyka peŭnyja ilhoty. Naprykład, aŭstryjskaja kampanija budzie vyzvalenaja ad spłaty myta pry ŭvozie na terytoryju Biełarusi technalahičnaha abstalavańnia dla realizacyi investycyjnaha prajektu.
Kamientary