Amerykanski časopis «Forbes» apublikavaŭ štohadovy rejtynh najbahaciejšych ludziej śvietu.
Amerykanski časopis «Forbes» apublikavaŭ štohadovy rejtynh najbahaciejšych ludziej śvietu. Pieršaje miesca ŭžo 13 hadoŭ zapar trymaje Bił Hiejts — zasnavalnik imperyi «Microsoft».
Sioleta ŭ śpisie apynułasia rekordnaja ličba miljarderaŭ — 946 . U rejtynh dadalisia 19 rasiejcaŭ, 14 indusaŭ i 13 kitajcaŭ. Upieršyniu tudy trapili žychar Kipru, rumyn, sierb, a taksama miljarder z Amanu.
Što ahulnaha ŭva ŭsich bahaciejaŭ? Vynachodlivaść. Hrošy jany robiać, ułasna kažučy, na ŭsim. Pačynajučy z medyjaŭ, nieruchomaści, kavy i skančvajučy ježaj i etyłavym śpirtam.
Siaredniestatystyčny miljarder maje 62 hady – na dva mieniej, čym u 2005 h. Adnak sioletnija debiutanty maładziejšyja na cełych 7 hod. Samamu maładomu ŭsiaho 23. Niamiecki kniaź Albert fon Turn und Taksis svajo bahaćcio atrymaŭ u spadčynu. Bolšaść ža tych, chto prysutničaje ŭ rejtynhu – 60 adsotkaŭ – svajo bahaćcie zbudavali z nula.
Ukrainiec Kanstancin Ževaha ŭva ŭzroście 33 hadoŭ sam nažyŭ svajo bahaćcie, vartaść jakoha aceńvajecca ŭ 1 młrd. dalaraŭ. Samy małady ŭkrainski miljarder pačynaŭ u 1992 h. finansavym dyrektaram u banku «Finance & Credit», kab praź niejki čas zajmieć bolšuju častku akcyjaŭ chołdynhu «Finance & Credit Group».
Na azijackim kantynencie da hetaha času pieršaj u rejtynhu była Japonija. Sioleta nastupiŭ pierałom. Lideram akazałasia Indyja, adkul pachodzić cełych 36 bahaciejaŭ – ź Japonii «usiaho» 24. Łakšmi Mitał — najbahaciejšy indus, piaty ŭ rejtynhu «Forbes».
Kamientary