Pa padazreńni ŭ atrymańni chabaru zatrymany namieśnik načalnika papraŭčaj kałonii VK-20 (Mazyr). U kałonii jon kuryravaŭ režymna-apieratyŭnuju pracu.
Krynica ŭ pravaachoŭnych orhanach paćvierdziła karespandentu Naviny.by hetuju infarmacyju i rastłumačyła, što apieratyŭnaje mierapryjemstva pravodzili supracoŭniki UKDB pa Homielskaj vobłaści i Hałoŭnaha ŭpraŭleńnia ŭłasnaj biaśpieki MUS.
U pres-słužbie UKDB hetuju infarmacyju nie zmahli ni paćvierdzić, ni abvierhnuć. Adnak, pa źviestkach IAU «Płatforma», padstavaj dla zatrymańnia namieśnika načalnika staŭ chabar aŭtamabilem «Aŭdzi». Pravaabaroncy paviedamlajuć sa spasyłkaj na krynicu ŭ administracyi kałonii, što aficer atrymaŭ aŭto ad asudžanaha, jaki adbyvaje ŭ VK-2013-hadovy termin źniavoleńnia za złačynstvy, učynienyja ŭ składzie bandy «pažarnikaŭ». Mahčyma, dziakujučy takomu ščodramu «padarunku» zek zmoh zaniać u kałonii «ciopłuju» pasadu zaŭchoza pakoja praviadzieńnia praciahłych spatkańniaŭ.
Pa viersii IAU «Płatforma», aŭto namieśnika načalnika nieadnarazova ramantavałasia i absłuhoŭvałasia asudžanymi, što «nie schavałasia ad vačej kampietentnych orhanaŭ, jakija i zacikavilisia jaho pachodžańniem». Darečy, u PK-20 jość svoj aŭtaservis.
Možna vykazać zdahadku, što zatrymańnie aficera adbyłosia 17 krasavika. Za sutki da hetaha namieśnik načalnika naviedvaŭ svaju staronku na sajcie «Adnakłaśniki». Na adnoj z fatahrafij jon paziruje na fonie sierabrystaj «Aŭdzi».
Daviedka Naviny.by. Pavodle nieaficyjnych dadzienych, u PK-20 adbyvajuć pakarańnie kala 3 tysiač čałaviek. U minułym hodzie kałonija «prasłaviłasia» na ŭsiu krainu, kali 23 vieraśnia z pramysłovaj zony ździejśnili ŭcioki dvoje asudžanych za razboi i inšyja złačynstvy. Adnaho zeka zatrymali praz paru hadzin paśla ŭciokaŭ, inšy «dychaŭ» svabodaj dva tydni — da 7 kastryčnika.
Kamientary