20-hadovyja Chaŭjer Nuńjes i Anajlin de ła Rua źnialisia ŭ filmie «Adna noč», jaki apaviadaje pra kubinskich padletkaŭ, što sprabujuć vyratavacca ad biednaści i pačać novaje žyćcio ŭ Fłarydzie. Film atrymaŭ try ŭznaharody na kinafiestyvali Tribeca ŭ Ńju-Jorku, u tym liku pryz za najlepšuju mužčynskuju rolu dla Nuńjesa.
Akciory adpravilisia na fiestyval i źnikli ŭ aeraporcie Majami.
Uciekačy zapeŭnili pradziusara filma Sendzi Pieresa Ahuiła, jaki lacieŭ razam ź imi, što sustrenucca ź im kala vychadu na pasadku na rejs da Ńju-Jorka, ale va ŭmoŭlenym miescy nie źjavilisia. Pieres źviarnuŭsia ŭ palicyju Majami, paviedamiŭšy, što akcior i aktrysa prapali bieź viestak.
Praz tydzień akciory vystupili ŭ efiry ispanamoŭnaha telekanała ŭ Majami, zajaviŭšy, što paprosiać palityčnaha prytułku ŭ ZŠA.
U intervju Reuters jany raspaviali, što pačali dumać pra ŭcioki, jak tolki pačuli ab zaprašeńni ŭ Ńju-Jork. Akciory zajavili, što
«na Kubie niama budučyni».
Za apošnija niekalki hadoŭ z krainy źbiehła mnostva kubinskich artystaŭ i spartsmienaŭ.
U 2005 hodzie amierykanskuju miažu pierasiok tancoŭščyk baleta Rołand Sarabija. U 2008 hodzie siem členaŭ alimpijskaj zbornaj Kuby pa futbole źbiehli ŭ Fłarydu paśla hulni z amierykanskaj kamandaj. U 2011 hodzie 5 tancoŭščykaŭ Nacyjanalnaha baleta Kuby, jakija znachodzilisia na hastrolach u Kanadzie, vyrašyli zastacca ŭ hetaj krainie.
Ciapier čytajuć
Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja11
Kamientary