Deputaty Bundestaha FRH Uta Capf, Hiernat Erler i Franc Tenies źviarnulisia z adkrytym listom da Mikałaja Statkieviča, jaki adbyvaje pakarańnie ŭ Mahiloŭskaj turmie. U pasłańni jany vykazvajuć palitviaźniu poŭnuju padtrymku, jak adnamu ź lidaraŭ apazicyi ŭ Biełarusi.
«My viedajem, — pišuć deputaty, — što na ciabie akazvaŭsia i praciahvaje akazvacca mocny maralny, psichičny i fizičny cisk. Hłyboka zakranuli nas dva niaščasnyja vypadki, jakija adbylisia z taboj u kałonii. Mocnym represijam i cisku padvierhnuli nie tolki ciabie, ale i tvaju siamju. Tym nie mienš, ty stojka pieranios heta i zmoh zachavać svaje palityčnyja pierakanańni i pazicyju dla budučyni Biełarusi. Heta nie źmianiłasia navat paśla taho, jak u studzieni hetaha hoda ty byŭ prysudžany da troch hadoŭ uzmocnienaha turemnaha režymu».
Deputaty Bundestaha praciahvajuć patrabavać nieadkładnaha vyzvaleńnia ŭsich palityčnych źniavolenych z turmaŭ i kałonij, a taksama vykanańnia ŭ dačynieńni da ich kanstytucyjnych pracedur i pradastaŭleńnia im miedycynskaha zabieśpiačeńnia.
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?4
Kamientary