Słoŭnik apazycyi

Z pošty Redakcyi.

Studenty, siońniašnija i ŭčorašnija, majuć svoj słoŭnik, svaju subkulturu, svoj styl i navat svaju hieahrafiju. Zachad — heta bližniaje zamiežža, bližnija kantakty, bližniaja perspektyva i navat bližnija ŭspaminy. Palityka — heta niešta ź minułaha, cikavaje tolki tym, chto tam maje svoj intares. Tamu niečakanymi buduć adkazy na pytańni dla studenta i dla vykładčyka. I apazycyja — heta niejki prajekt, a nie realnaść, bo ŭ budzionnym pobycie abyvatala jaje nie isnuje. U Internecie jość. Na vulicy čas ad času jość. A ŭ aktyŭnym słoŭniku niama.

Kantrolnymi słovami dla kantaktu mižuzrostavaha i mižklubnaha jość Šuškievič i Milinkievič. Byŭ Paźniak. Kali niechta skazaŭ, što čakajecca Kanhres demakratyčnych sił na čale z kamunistami, usie ŭspryniali heta jak niešta z pazaminułaha, jak revanš ci memuarnaja akcyja z SSSR.

Adkryli sajt Paźniaka, znajšli novyja imiony — niejkich vincukoŭ, Labiedźku, Viačorku, Kalakina. Uspomnili rektara BDU Kazulina. Ale heta ŭžo było jak padrychtoŭka da seminaru, i pošuki spynili. Vyrašyli, što jany ŭsie — z kampanii Milinkieviča, kali apazycyja.

Intares da Kanhresu ažyviŭsia padčas vybaraŭ u niejkija saviety 2007 h. «Narodnaja vola», «Naša Niva» ŭ kijoskach nie pradajecca, daviałosia šukać inšyja varyjanty, čytać «česnyja», vidać, — «SN», «Biełorusy i rynok», Biełh. «Sovietskuju Biełoruśsiju» nie čytajuć. Skłali schiemu «tiekuŝieho momienta». I voś što atrymałasia…

Saviecki Sajuz, intehracyja, kamunisty, Rasieja, słavianafašyzm — usio heta Plusquamperfekt, daŭno minuły čas! Nivodzin student nia źviazvaje svajoj budučyni z hetym memuarnym žanram.

Karmicca tam mohuć tolki kankretnyja palitbiznecoŭcy, bankiry ci pensijanery. Uspaminać u Miensku Maskvu i Kreml mohuć tolki ludzi, jakija nia majuć siły apiryšča ŭ Biełarusi. Hetak małyja dzieci ŭ sadku kažuć kryŭdzicielam: «Pačakaj, pryjdzie starejšy brat, jon tabie daść. Jon užo ŭ treciuju klasu chodzić!»

Surjoznaja palityka pačynajecca na Zachadzie. Tam miesca pošukaŭ, suviaziaŭ, cikavaści dla kožnaha aktyŭnaha čałavieka z budučyniaj. Tam realnyja padvažniki ŭpłyvu na Biełaruś. Tam hrošy, NATO, Vatykan, pracoŭnyja miescy, technalohii. Usio barachło aryjentavana na Rasieju. Usio sučasnaje — z Zachadu i na Zachad. Jość ZŠA, tam naš Kaściuška i cikavaść da Bałcka‑Čarnamorskaha stratehičnaha kardonu.

Da Rasiei adnosiny nijakija. Kryminalnaja Maskva. Bandycki Pieciarburh. Durnaja papsa i reanimavanyja pseŭdazorki. Plusquamperfekt. Što, chiba Maskva moža ŭpłyvać na padziei ŭ Biełarusi? Chaj spačatku paŭpłyvajuć na Rasieju. Vajnu ŭ Čačenii prajhrali. Spłačvajuć kantrybucyju, addali naftu i ŭładu synu miaciežnaha imama. Była b mažlivaść, nie naładžvaŭ by kožny aliharch paasobku svaich kamunikacyjaŭ na Zachad!

Ci vy pajedziecie pracavać u RF? Ci vy pierasiadziecie z «Volkswagen'a» na «Maskvič» ci «Vołhu»? Dyk skul toj faktar Maskvy? Chiba z historyi VKP(b)? Z HUŁAHU? Pravasłaŭnyja cerkvy ŭsiaho śvietu abjadnoŭvajucca ŭ adnu carkvu z Vatykanam, užo letam, nie čakajučy 2054 h., kab być razam, jak ad Chrysta da 1054 h. 25 śniežnia Kalady śviatkujuć ŭsie chryścijanie, akramia Maskoŭskaha patryjarchatu — 30 miljonaŭ suprać 2 miljardaŭ chryścijan! Plusquamperfekt!

Kanhres demakratyčnych siłaŭ bieź Milinkieviča? Na čale z PKB, biez Šuškieviča, ź Labiedźkam? To čamu nie ŭ Kramli?

Analiz — prahnoz. Što było — što budzie? Labiedźka, Viačorka, Kalakin i ichni Kanhres rychtujucca da 2008, 2011 h. Dla maładoha čałavieka — heta roznyja epochi! Tusoŭka i zamužža, studenctva i raźmierkavańnie, beeresemaŭščyna i Italija, Hišpanija, eŭrasusiedzi. Čym žyvuć partaparatčyki, «štatnyja apazycyjanery»? Užo dziesiać, moža, hadoŭ, jak adchilili Paźniaka, kab ad zaciataści pierajści da pieramohi praz hnutkaść. I što — tyja ž manifestacyi pad brech sabak‑ludažeraŭ, chiba mienšyja? Labiedźka piša pa‑rasiejsku, kab spadabacca Maskvie, kab choć nie zaličyli ŭ nacyjanały? Dziela čaho jon ni razu nie ŭspaminaje Milinkieviča ŭ svaich biaskoncych pisańniach? Jon ža byŭ abaviazany pracavać na «adzinaha».

Nu niaŭžo Kalakin, Labiedźka, Viačorka nie razumiejuć, što ich nichto nia viedaje? Što nia mohuć jany być prezydentami. Čamu jany nia chočuć być pobač, a nie zamiest Milinkieviča? Niaŭžo nie vučylisia historyi? Nie Rabespjer, a Banapart staŭ imperataram. Nia Trocki, a Stalin. Nie Zianok, a Šuryk. Va ŭsich źjaŭlajucca šancy, kali pieršym pojdzie Milinkievič! Dyk šturchajcie jaho napierad, što mocy. 2007 h. — heta šaniec. Pokul Łukašenka, vybary ŭ pałatku nia buduć vybaram! Maskva — heta viedaje ŭvieś śviet — i Pucin asabista zacikaŭlenyja «začyścić tyły» ad Łukašenki. Buš — za «źmienu režymu» ŭ Biełarusi. 2007, a nie paśla vašaj pensii, zasłužanyja apazycyjanery respubliki!

Kali b była lohika pieramohi, Viačorka nie dapuściŭ by, kab PKB kiravała na Kanhresie. Bo kamunisty — heta 4—6% elektaratu ŭ lepšyja časy. Nivodzin čałaviek nie pajšoŭ abaraniać ni CK KPSS, ni CK KPB! Nivodzin hramadzianin. Nivodzin kamunist. Nivodzin aficer — usie zdradzili prysiazie, usie! Dyk što, chiba jany pojduć abaraniać prezydencyju na Karła‑Marła? Śmiech. I chiba siońnia Kreml padtrymaje biełaruskuju demakratyju na čale z kamunistami? Realny vorah Pucina — kamunisty, ź ich aporaj na Miensk. Pucin choča pajści ŭ aliharchi. Jon pavinien — pavodle adukacyi! — «začyścić Biełaruś», bo dziaržaŭny lider‑vorah macniejšy za aliharcha. Dzie Bierazoŭski, Husinski z NTV? A tut specsłužby i častoty, dyplamatyčny status i niedastupnaja aliharchu baza. Značycca, ni Łukašenki, ni kamunistaŭ!

Moža, zachad usprymie demakrataŭ Labiedźku‑Kalakina? Ź ichnim kanhresam? Pry realnym usienarodnym rejtynhu Milinkieviča — aficyjna niekalki miljonaŭ, uvieś aktyŭny, stvaralny, vytvorčy, dziełavy elektarat, a nie aryjentavanyja pavodle ideałaŭ i ŭzrostu łukašysty?

Milinkievič — heta realny postup, 2007 h., rašeńnie prablemy Biełarusi ŭ suviazi z hlabalnymi zruchami. Heta palityčnaja prablema, a nie intryhi prezydyjumaŭ. Nia ŭdasca raźmianiać Łukašenku na pramaskoŭskich «biez nacyjanałaŭ». Bo pramaskoŭskija — heta nie dziaržaŭniki, a menedžary aliharchaŭ, biełaruskich emihrantaŭ u RF. Usiaho tolki. Pieračytajcie ŭsich apazycyjaneraŭ, aryjentavanych na Maskvu. Revanš. Łukašyzm biez Łukašenki. SSSR, Trijedinoje drievo i inšy słavianafašyzm, Biełoruśsija.

Milinkievič pravilna robić, što nie dysputuje ź intehratarami. Jon prosta moža sklikać svoj Kanhres z realnymi aktyvistami. Moładź z Kalakinym i Labiedźkam? Śmiech. Moža, i treba nie marnavać času, sabrać usich, chto nie źbirajecca čakać 2011 h. i vieści realny dyjaloh z realnymi palitykami.

U Łukašenki vybar: abo mižnarodny sud, abo pieramovy ź Milinkievičam. Kreml vypchnuŭ jaho z palityčnaha žyćcia da nacyjanałaŭ, pastaviŭ na palitemihrantaŭ ź Biełarusi i ich siabroŭ AHP‑PKB. A heta aznačaje ŭkrainski šlach.

Aliharchi chočuć adciaśnić biełaruski majdan ad budučaj realnaj ułady. Viačorka, padtrymaŭšy maskoŭskich «intehrataraŭ biez Łukašenki», zastajecca biez moładzi i realnych zmaharoŭ. Kamunisty i impercy Kramla nie pryznajuć «pobač» — tolki padaŭleńnie, hiehiemonija, teror — heta ž teoryja navukovaha kamunizmu i historyja KPSS!

My ź siabrami prajšli tysiačy kvater, źbirajučy podpisy pierad apošnimi vybarami. Ludzi viedajuć Šuškieviča i Milinkieviča — i vierać im! Krytykujuć Stanisłava Stanisłavaviča, ale viedajuć, što jeździć u Eŭropu praź Bieraście i Horadniu, a nie praz Maskvu, jak u SSSR (!), pačali pry Šuškieviču. Kupili «Volkswagen» ci «BMW» pry im, paraŭnalna ź siońniašnimi cenami i mytam! Prašu aficyjnych prapahandystaŭ rastłumačyć: jak mahli ruskija aficery i čynoŭniki siadzieć na vakzale na čamadanach i kłunkach, kali mienavita jany pieršymi pry Šuškieviču nabyli Mersedesy? Pry «nacyjanalistach» ruskija aficery atrymali bolej kvater u Biełarusi, čym u RF — u pucinskaj Rasiei ich kalehi dahetul kvater tak i nie atrymali! Kaho majuć za durniaŭ «savieckija ŚMI» — ruskaetničnych pałkoŭnikaŭ i ministraŭ? Voś čamu ź Milinkievičam źviazvajuć budučyniu:

— Žyć i pracavać jak u Niamieččynie ci Švecyi!

Niamieččyna, jak i Biełaruś, u dziasiatki razoŭ bolš zrujnavanaja (savieckimi vojskami, darečy!), čym Rasieja. Ale ŭ 70‑ia hady na dušu nasielnictva vyrablali: HDR — 3300$, FRH — 6700$, a SSSR — 2100$ (z koštam tankaŭ i rakiet)!

Chto choča «žyć jak u Rasiei» — kali łaska, moža adkryta až da Pakistanu i Aŭhanu! Tut Biełaruś, tut Eŭropa. Dla ŭsich, chto nia choča ŭ daŭno minuły čas. My futurysty. Zaŭtra — našaje!

VOŁJa

Delehat Kanhresu demakratyčnych siłaŭ.

• 0
• 0
• 0
• 0
• 0
• 0
• 0
• 0