«Jeŭrabačańnie»: Šviecyja pieramahła z rekordnym adryvam

Śpiavačka Łoryn sa Šviecyi pieramahła z rekordnaj kolkaściu hałasoŭ (372) — heta piataja pieramoha Šviecyi na «Jeŭrabačańni» ad časoŭ ABBA. Praŭda absalutny rekord u adryvie (387 bałaŭ), jaki prademanstravaŭ narviežski biełarus Alaksandr Rybak, zastaŭsia niepieravieršanym.

Na druhim miescy — udmurckija «Buranaŭskija babuli». Na trecim — Sierbija.

Najmienš bałaŭ atrymała Narviehija.

Biełarusy prahałasavali za susiedziaŭ: 8 bałaŭ dali Litvie, 10 — Ukrainie i 12 bałaŭ — Rasii.

Akramia taho, biełarusy prahałasavali za Azierbajdžan, Małdovu, Šviecyju, Irłandyju, Estoniju, Maltu i Makiedoniju.

Voś i skončyłasia čarhovaje «Jeŭrabačańnie», na jakim Biełaruś nie trapiła ŭ finał, ale vystupiła kudy lepiej, čym letaś... Jak prachodziŭ finał? «Naša Niva» prapanuje vašaj uvazie apošni ŭ siezonie repartaž z «Jeŭrabačańnia», na jakim moža ŭbačyć i pračytać pra: udmurckich babulaŭ i zmročnuju šviedskuju dzivu, brytanskaha dziadulu i italjanski śvinh. A taksama pra step z Małdovy i niamieckuju «Kaliforniju»...

Vialikabrytanija

Enhielbiert Champierdzink

Love Will Set You Free

Voś i dačakalisia — čałaviek, ź jakoha my trochi kpili dva papiarednija anłajny, vychodzić na scenu.

Pa ŭzroście Champierdzink moh by paciahacca z «Buranaŭskimi babulami»

— ujaŭlajecie, jašče ŭ časy, kali The Beatles byli dalokimi ad raspadu, Džon Lenan lubiŭ abzyvać Poła Makartni Enhielbiertam Champierdzinkam. Praŭda, apošnija hod 40 (sorak) hadoŭ asablivych chitoŭ za Champierdzinkam zaŭvažana nie było, i voś jon vyrašyŭ nahadać pra siabie praz «Jeŭrabačańnie». Heta jak kali b ad Rasii na konkurs pajechaŭ Eduard Chil. Pieśnia ŭ Champierdzinka kłasnaja, jak i sorak hadoŭ tamu, adnak Google viedaje i lepšyja — pasprabujcie Another Time Another Place.

Vienhryja

Compact Disco

Sound of the Hearts

Čamu ŭ finał trapiŭ vienhierski vakalna-instrumientalny ansambl, zrazumieła nie da kanca. Skazać pra ich niama čaho, aproč taho, što

jany vielmi ŭvažliva słuchali muzyku 80-ch.

Nazva hurtu, darečy, nahadvaje pra nazvy vienhierskich bendaŭ pieryjadu sacyjalizmu — bieskryŭdna i zrazumieła.

Ałbanija

Rona Nišliŭ

Suus

Kosaŭskaja ałbanka Rona skaryła Jeŭropu mocnym hołasam,

jaki, što praŭda, «na amatara» — ekspresija časam pierabivaje miełodyju.

Litva

Doni Monteł

Love is Blind

Paviazka na vačach zastałasia — litoviec Doni Monteł, nahadajem, śpiavaje pra toje, što kachańnie ślapoje. Dla «Jeŭrabačańnia» ŭ jaho «baładnym» vyhladzie pieśnia vielmi charakternaja — takich ad hetaha konkursa i čakajuć.

Słušnym rašeńniem było ŭziać psieŭdanim — pieratvarycca z Danatasa Mantvidasa ŭ kvaziamierykanskaha Doni Monteła.

Bośnija i Hiercahavina

MayaSar

Korake Ti Znam

A voś cikavy prykład ź sieryi «vučni i nastaŭniki» — MayaSar pracuje bek-vakalistkaj u zasłužanaha artysta Dzina Merlina, ciapier jahonaja vučanica maje šancy na pośpiech —

z usich adnolkavych fartepijannych baład u jaje — najlepšaja.

Rasija

«Buranaŭskija babuli»

Party for Everybody

Kali b babuli vyjšli pieśni praź dźvie — my b ich nie pačuli, bo zasnuli b: zaŭvažcie, jaki minorna-baładny sioleta finał. «Babuli» siarod favarytaŭ, jany bjuć rekordy papularnaści ŭ internecie. Darečy, zaŭvažym, što adnoj z udzielnic 43 hady, a inšaja — adnahodka Madony, choć i vyhladaje troški inačaj. Zdajecca, heta toj redki momant, kali za Rasiju ŭ finale aktyŭna hałasavać buduć usie. Babuli charyzmatyčnyja, i padtrymać ich prosta pryjemna. Da taho ž, vialikija nadziei na babulaŭ majuć udmurty, dla jakich heta toj unikalny momant, kali

ŭdmurckaja kultura dakazvaje ŭsiamu śvietu, što jana isnuje i moža być papularnaj. Hladzielisia babulki niabłaha, asabliva, kali ŭličyć, što heta nie prafiesijanały, a prosta babuli, jakija chodziać u viaskovy DK, kab tam paśpiavać. Kaniešnie, nie varta patrabavać ad ich takoha samaha majsterstva, jak ad Champierdzinka i astatnich, ale konkurs jość konkurs. Dačakajemsia vnikaŭ.

Isłandyja

Hreta Sałoŭme i Jonsi

Never Forget

Hetaja pieśnia mahła b pryŭkrasna «žyć» biez usialakich «Jeŭrabačańniaŭ»

— jość u joj niešta paŭnočnaje, surovaje i adnačasova miakkaje. Budzie dziŭna, kali raptoŭna Hreta Sałoŭme i Jonsi pieramohuć, ale chto viedaje?

Adzinaje: ci nie dabje «Jeŭrabačańnie» ekanomiku Isłandyi ŭ takim vypadku? Miarkujučy pa kolkaści prahladaŭ na YouTube, bajacca isłandcam niama čaho.

Kipr

Ivi Adamu

La Love

Ci treba nam dziasiataja Biejonse? U najlepšym vypadku, vartym navukova-fantastyčnaha ramana, Ivi Adamu zmoža stać padobnaj vieličynioj, ale šancaŭ nie bolej, čym namalavać roŭnuju akružnaś biez cyrkula. Chacia

na biełaruskich dyskatekach pad jaje jašče patančać.

Francyja Anhun

Echo (You and I)

A voś jašče adna naminantka, jakaja traplaje ŭ finał biez konkursa — indanezijka Anhun śpiavaje z 12 hadoŭ, i źjaŭlajecca pieršaj azijackaj śpiavačkaj, jakaja vypuściła albom adnačasova ŭ 33 krainach śvietu. Piaje pa-francuzsku i pa-anhlijsku, spałučajučy adnačasova francuzskuju śpieŭnuju tradycyju z tradycyjnymi amierykanskimi estradnymi pryjomami. Časam ciažka adsočvać hetyja pierachody z anhlijskaj na francuzskuju i nazad, adnak hučyć niasumna.

Možna stavić hrošy na jaje pieramohu,

ale ci varta ich uvohule stavić?

Italija

Nina Dzili

L'Amore È Femmina (Out Of Love)

Taho ž pryncypu moŭnaj miašanki trymajecca italjanskaja kankursantka, jakuju my taksama jašče nie čuli. A voś

tut jość elemienty minornaha śvinha, jaki vielmi lubiać pa ŭsim śviecie — džazavaty rytm, pad jaki možna tančyć kuikstep. A kali nie ŭmiecie kuikstep, možna tanha. A kali i z tanha prablema — prosta tančyć.

Narviehija Tudžy

Stay

Narmalnaja internacyjanalnaja pieśnia.

Ale analizavać jaje surjozna nie varta: hetyja pieśni, kali i zatrymajucca, to niedzie ŭ našych krajach i toje, da nastupnaha «Jeŭrabačańnia».

Azierbajdžan

Sabina Babajeva

When the Music Dies

A voś i haspadary konkursa.

Sabina Babajeva vyrašyła iści pravieranym šlacham i śpiavaje pad rajal niešta da bolu znajomaje.

Dziaŭčyna pryhožaja, adnak pieśnia z takim refrenam (pra śmierć muzyki) daŭno isnuje, i jaje nie pieraskočyć nijak — tak užo skłałasia.

Rumynija Mandinga

Zaleilah

Sočyš za modaj — traplaješ u finał. Sočyš za modaj, miašaješ anhlijskuju ź ispanskaj, dadaješ łacinskija rytmy? Traplaješ u finał. A pieramahaješ? Naŭrad ci, bo aproč rumynaŭ šmat chto sočyć za modaj i traplaje ŭ finał.

Suprać Šviecyi i babulek im budzie ciažka zmahacca.

Danija

Sałuna Samaj

Should've Known Better

Hołas uradženki Hvatemały pryjemny, dy i sama jana pryhožaja.

Pieśnia ž… niešta adnarazovaje.

Hrecyja

Elefteryja Elefteryŭ

Aphrodisiac

Jak moža trapić u finał «Jeŭrabačańnia» tvor z takoj aranžyroŭkaj?

Takoje zvyčajna hučyć na kancertach «Za Biełaruś».

Mierkavańnie, što muzyku zamaŭlali ŭ nas praź finansavy kryzis, užo vykazvałasia.

Šviecyja Łoryn

Ejfaryja

A voś i

pieramožca pa mierkavańni bukmiekieraŭ.

Pieśnia vydatnaja (miełodyja zapaminajecca), vykanańnie vydatnaje, u čym prablema? U druhasnaści. Adnak na fonie astatnich i heta nie krytyčna. A voś stylovaści astatnija mohuć tolki pazajzdrościć. U čym plus — minimum hłamuru. Kali Łoryn pieramoža, heta budzie pravilna i łahična.

Turcyja

Džan Banoma

Love me Back

Tradycyja plus sučasnaść — dastatkova dla vychadu ŭ finalu Dla pieramohi — nie.

U Turcyi pa radyjo amal usio tak hučyć:

ad pop-muzyki da psichadelii (jakaja ŭ Turcyi, darečy, jość).

Ispanija

Pastora Soler

Quédate Conmigo

Čarhovaja bałada, pra «zastańsia sa mnoj».

Dla šviedki ispanka nie kankurent — jak by dziŭna heta nie hučała (paraŭnajcie papularnaść ispanskaj i šviedskaj muzyki ŭ pryncypie).

Hiermanija

Roman Łob

Standing Still

A voś i mužčynskaja pop-muzyka siezona viasna-leta 2011 hoda. Heta roŭnieńka toje, što apošnija dva hady zapaŭniaje radyjoefir, paciaśniŭšy elektroniku, i idzie karaniami ŭ sučasnuju kalifarnijskuju muzyku. Kali b u konkursie ŭdzielničali ZŠA, to mahli b pasłać Džeka Džonsana. Tamu za takuju muzyku adkazvaje Roman Łob. Tym nie mienš,

heta taja častka pop-kultury, jakaja nie vyklikaje žadańnia mianiać radyjostancyju praz 20 siekund hučańnia.

Malta

Kurt Kaleja

This is The Night

Hałoŭny kankurent Litesound,

jaki vystupiŭ akuratnieńka pierad biełarusami, u finale. Pa jaho pośpiechu pry hałasavańni zmožam daviedacca, na što pryblizna biełarusy mahli b raźličvać. Chacia ŭ mieładyčnym płanie Malta słabiejšaja.

Makiedonija Kaliopi

Cerno i belo

U Makiedonii jana — zorka. Naŭrad ci vyniki «Jeŭrabačańnia» što-niebudź źmieniać.

U pieršuju piaciorku Makiedonija naŭrad ci trapić.

Irłandyja Jedward

Waterline

Bliźniuki iznoŭ šturmujuć vośmaje miesca, chacia sioleta mohuć padabracca da pryzavoha bližej, čym u minuły raz. «Kali vy nie adhuknieciesia, my napišam u „Sportłato“!». Darečy,

moža ich — na «Słavianski bazar»?

Zaŭvažcie, kolki sioleta siarod udzielnikaŭ «Jeŭrabačańnia» finalistaŭ i ŭdzielnikaŭ «Bazara».

Sierbija

Želka Joksimavič

Nije ljubav stvar

«Kachańnie — nie reč», što b my tam sabie nie dumali. U jakaści dokazu, prynamsi toje, što Želka trapiŭ u finał. Cikava, kali b jon skarystaŭsia svaim talentam multyinstrumientalista, lepiej by stała? A to niejkija mužyki na zadnim płanie za jaho adduvajucca (u litaralnym sensie, bo duchavaja siekcyja). A jašče

jon zaŭždy źjaŭlajecca na scenie na 30 siekundzie, zdorava, praŭda?

Ukraina Hajtana

Be my Guest

Ukrajina i Konha adnačasova — Hajtana

adna z samych cikavych vakalistak sioletniaha «Jeŭrabačańnia».

Kažuć, u niekalkich krainach hetaja pieśnia ŭžo chit.

Małdova

Paša Parfienij

Lăutar

Jak i mierkavałasia,

bałkanski step ad finalista «Słavianskaha bazara»

my čujem u finale. Bałkanskaja muzyka — asobny fienomien. Ale čym jana tak čaplaje, stanovicca trochi bolš zrazumieła, kali čuješ jaje na fonie astatniaj muzyki «Jeŭrabačańnia» — usio ž taki hety konkurs peŭnaje ŭjaŭleńnie pra sučasnuju muzyčnuju situacyju daje. Tamu skančajem stukać abcasam pa padłozie ŭ rytm śpievam Parfienija i čakajem vynikaŭ.

• 0
• 0
• 0
• 0
• 0
• 0
• 0
• 0