Na płoščy Banhałor upieršyniu naniesienaja raźmietka, što abaznačaje kirunak ruchu pa pałosach
Raźmietka, jakaja abaznačaje kirunak ruchu pa pałosach, źjaviłasia na płoščy Banhałor u Minsku.
Z pačatku hoda na hetaj kruhavoj raźviazcy inśpiektary zarehistravali kala 150 sutyknieńniaŭ transpartnych srodkaŭ, paviedamlaje ahienctva
Siarod inšych faktaraŭ, jakija ŭpłyvajuć na avaryjnaść płoščy, nazyvajuć nievykanańnie biaśpiečnaj dystancyi i bakavoha intervału, a taksama niaŭvažlivaść tych, chto znachodzicca za rulom.
— Pry ŭjeździe na skryžavańnie z kruhavym rucham, a taksama padčas ruchu pa kruzie važna vykonvać pałosnaść ruchu, — adznačyŭ Aleh Škurski. — Mienavita z hetym uźnikajuć prablemy ŭ bolšaści kiroŭcaŭ. Składanaści ŭźnikajuć i tady, kali darožnaja raźmietka ściortaja abo ledź bačnaja. U takich umovach kiroŭcu davodzicca vyznačać kolkaść pałos na voka, a prajezd učastka kruhavoha ruchu robicca vielmi składanaj zadačaj. Dziakujučy novaj raźmietcy kiroŭcam stała lahčej aryjentavacca na kruzie.
Rekanstrukcyja płoščy Banhałor, jakaja ličycca «lidaram» pa kolkaści drobnych DTZ u Minsku, była zapłanavanaja na leta — jaje chacieli «razrezać» u dvuch kirunkach, kab atrymałasia skryžavańnie sa śviatłafornym rehulavańniem. Adnak pracy tak i nie pačalisia. Śpiecyjalisty kažuć, što ciapier hrošaj na rekanstrukcyju niama. Jana adkładzienaja na niapeŭny termin.
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary