На плошчы Бангалор упершыню нанесеная разметка, што абазначае кірунак руху па палосах
Разметка, якая абазначае кірунак руху па палосах, з’явілася на плошчы Бангалор у Мінску.
З пачатку года на гэтай кругавой развязцы інспектары зарэгістравалі каля 150 сутыкненняў транспартных сродкаў, паведамляе агенцтва
Сярод іншых фактараў, якія ўплываюць на аварыйнасць плошчы, называюць невыкананне бяспечнай дыстанцыі і бакавога інтэрвалу, а таксама няўважлівасць тых, хто знаходзіцца за рулём.
— Пры ўездзе на скрыжаванне з кругавым рухам, а таксама падчас руху па крузе важна выконваць палоснасць руху, — адзначыў Алег Шкурскі. — Менавіта з гэтым узнікаюць праблемы ў большасці кіроўцаў. Складанасці ўзнікаюць і тады, калі дарожная разметка сцёртая або ледзь бачная. У такіх умовах кіроўцу даводзіцца вызначаць колькасць палос на вока, а праезд участка кругавога руху робіцца вельмі складанай задачай. Дзякуючы новай разметцы кіроўцам стала лягчэй арыентавацца на крузе.
Рэканструкцыя плошчы Бангалор, якая лічыцца «лідарам» па колькасці дробных ДТЗ у Мінску, была запланаваная на лета — яе хацелі «разрэзаць» у двух кірунках, каб атрымалася скрыжаванне са святлафорным рэгуляваннем. Аднак працы так і не пачаліся. Спецыялісты кажуць, што цяпер грошай на рэканструкцыю няма. Яна адкладзеная на няпэўны тэрмін.
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе11
Каментары