Avijakampanija Lufthansa nie razhladaje mahčymaści nabyćcia Nacyjanalnaj avijakampanii «Biełavija».Ab hetym na sustrečy ź biełaruskimi žurnalistami paviedamiŭ dyrektar pa karparatyŭnych kamunikacyjach Lufthansa ŭ Jeŭropie Ahie Dziunchaŭpt, adkazvajučy na pytańnie ab mahčymaj pryvatyzacyi biełaruskaj avijakampanii.
«My mahli b ciapier razhladać dla kupli tolki takuju kampaniju, jakaja prynosić miljonny prybytak», — skazaŭ pradstaŭnik Lufthansa.
Pry hetym Dziunchaŭpt źviarnuŭ uvahu na pośpiechi niamieckaj avijakampanii na biełaruskim rynku. U 2011 hodzie ŭ Biełarusi Lufthansa pieraviezła bolš čym 70 tysiač pasažyraŭ, što na 10% bolš, čym hodam raniej.
Pavodle słoŭ Dziunchaŭpta, takija surjoznyja tempy rostu na biełaruskim rynku ŭ 2011 hodzie byli dasiahnuty dziakujučy adkryćciu dadatkovych rejsaŭ. «Kab nadalej naroščvać abjomy pieravozak, Lufthansa treba abo pavialičvać kolkaść rejsaŭ, abo vykarystoŭvać bolš umiaščalnyja avijałajniery. I toje, i inšaje pakul składana», — adznačyŭ pradstaŭnik niamieckaj avijakampanii.
Ciapier siaredniaja zapaŭnialnaść rejsaŭ Lufthansa ŭ Biełarusi składaje kala 80%. «Pry hetym treba ŭličvać, što stopracentnaj zapaŭnialnaści rejsaŭ u avijabiźniesie nie byvaje, kali tolki kampanija nie pradaje svaje bilety zanadta tanna», — adznačyŭ dyrektar pa karparatyŭnych kamunikacyjach.
Lufthansa prapanuje mnostva stykovačnych rejsaŭ praz Frankfurt. Raskład palotaŭ avijakampanii ŭklučaje rejsy bolš čym u 200 haradoŭ pa ŭsim śviecie. Zvyčajnaja cana bileta avijakampanii pačynajecca ad 199 jeŭra biez uliku padatkaŭ.
U apošni čas samymi papularnymi jeŭrapiejskimi napramkami dla padarožnikaŭ ź Minska byli takija harady, jak Frankfurt, Miunchien i Ženieva, a dalokamahistralnymi —
Avijakampanija Lufthansa — nacyjanalny avijapieravozčyk Hiermanii, najbujniejšaja avijakampanija Jeŭropy i piataja ŭ śviecie pa kolkaści pieraviezienych pasažyraŭ.
U Maskvie mužčyny masava sprabujuć znajomicca, macajučy dziaŭčat za jahadzicy. Tak zahadaŭ rabić seks-koŭč ź Biełarusi8
Kamientary