U pieršaj katastrofie piłot taksama achviaraŭ žyćciom, advodziačy samalot ad vioski.
23 maja 1996 u rajonie Baranavičaŭ na samalocie Su-27P uźnik pažar. Lotčyk I kłasa načalnik pavietrana-ahniavoj i taktyčnaj padrychtoŭki 61-j źniščalnaj avijabazy padpałkoŭnik Uładzimir Karvat pryniaŭ rašeńnie advieści samalot ad viosak Arabaŭščyna i Vialikaje Hacišča. Heta kaštava jamu ŭłasnaha žyćcia. Za mužnaść i hieraizm, prajaŭlenyja pry vykanańni voinskaha abaviazku, Uładzimiru Karvatu było paśmiarotna prysvojena zvańnie «Hieroj Biełarusi».
19 maja 1997 pad Baranavičami raźbiŭsia Su-17, jaki piłatavaŭ načalnik stancyi lotnych vyprabavańniaŭ 558-ha avijaramontnaha zavoda padpałkoŭnik Siarhiej Pahraban. Pryčyny katastrofy nie abnarodavali.
30 žniŭnia 2009 na avijašoŭ u polskim Radamie raźbiŭsia Su-27 baranavickaj 61-j źniščalnaj avijabazy. Dva piłoty — pałkoŭniki Alaksandr Marficki i Alaksandr Žuraŭlevič — nie katapultavalisia, kab advieści samalot jak najdalej ad hledačoŭ.
21 krasavika 2010 u Pružanskim rajonie Bresckaj vobłaści ŭ pavietry sutyknulisia dva samaloty MiH-29 927-j źniščalnaj avijabazy. Adna z mašyn raźbiłasia, paśla taho jak piłot advioŭ jaje ad nasielenaha punkta i kapultavaŭsia. Druhi samalot viarnuŭsia na bazu.
23 vieraśnia 2010 u Hancavickim rajonie Bresckaj vobłaści raźbiŭsia MiH-29 61-j źniščalnaj avijabazy. Zahinuli padpałkoŭnik Siarhiej Kavalenka i major Alaksandr Žyhajła. Minabarony paviedamiła, što piłoty zdoleli advieści samalot ad vioski.
20 kastryčnika 2011 na Pastaŭščynie raźbiŭsia viertalot AS-355NP «Ecureuil» francuzskaj kampanii «Jeŭrakopter», jaki naležaŭ Pamiežnamu kamitetu. Zahinuli dva člena ekipaža — Ihar Skvarcoŭ i Andrej Piakarski, i zdymačnaja hrupa Teleradyjoviaščalnaj arhanizacyi Sajuznaj dziaržavy — Julija Šaternik, Vital Pračkoŭski i Siarhiej Šamałaŭ.
29 listapada 2011 pad Pružanami pry zachodzie na aeradrom raźbiŭsia viertalot Mi-24 181-j bajavoj viertalotnaj bazy. Try členy ekipaža — major Aleh Kachno, bartavy technik kapitan Valer Babko, lotčyk Dzianis Hłuščanka, — zahinuli.
Hladzi taksama: Pad Navahrudkam raźbiŭsia vajskovy samalot. Piłot zahinuŭ
Kamientary