Kali prymianić zakon ab amnistyi varyjantu 2010 hoda, to vyjduć amal usie palityčnyja.
«Ja miarkuju, što chiba tolki Sieviaryniec. Jon adbyvaje nie pazbaŭleńnie voli, a abmiežavańnie, i nie maje spahnańniaŭ. Tam tolki taki momant, što amnistyja nie raspaŭsiudžvajecca na tych, chto ŭžo padpadaŭ pad jaje (Pavieł Sieviaryniec užo byŭ amnistavany ŭ 2004 hodzie). Adnak jość termin daŭnaści — 3 ci 5 hadoŭ», — raskazvaje pravaabaronca «Viasny» Valancin Stefanovič.
Maje šancy vyjści pa amnistyi na svabodu i paplečnik Stefanoviča Aleś Bialacki. Jamu naličyli pieniu na ŭžo vypłačany štraf, adnak «viasnoŭcy» heta abskardzili, i farmalna Bialacki pakul ničoha nie vinien.
«Farmalna pakul Aleś nie maje niejkich pazyčanaściaŭ. U pierśpiektyvie budzie mieć, ale my tut užo budziem maksimalna staracca, kab amnistyja na Bialackaha ŭsio ž raspaŭsiudžvałasia».
Pavodle Stefanoviča,
amnistavanymi mohuć być i tyja fihuranty spravy «ab masavych biesparadkach», jakija atrymali ŭmoŭnyja terminy albo termin z adterminoŭkaj — Niaklajeŭ, Fiaduta, Pałažanka, Chalip i inšyja.A voś rešcie spadziavacca niama na što: tak zvanyja parušeńni režymu padčas adbyvańnia pakarańnia pieraškodziać. A jany jość va ŭsich palitźniavolenych, što znachodziacca za kratami.
Svaje vysnovy Valancin Stefanovič robić, hruntujučysia na zakonie ab amnistyi 2010 hoda. Jakim budzie sioletni varyjant, pakul nieviadoma. Byłaja advakatka Uładzimira Niaklajeva Tamara Sidarenka ličyć, što jon nie pavinien šmat u čym adroźnivacca ad minułaha.
«Amnistyja adna z druhoj prykładna adnolkavyja. I ŭmovy vyzvaleńnia prykładna adnolkavyja. Asnoŭnyja — najaŭnaść parušeńniaŭ, jakija mohuć pieraškodzić čałavieku vyjści. I asobna varta sačyć za tym, pa jakich artykułach amnistyja nie prymianiajecca ŭvohule».
Na dumku Sidarenka, amnistyju mohuć nie prymianić pa tym samym artykule «ab masavych biesparadkach». Tady šmat chto moža pad jaje nie padpaści.
Juryst Biełaruskaha Chielsinkskaha kamitetu Hary Pahaniajła jašče bolš piesimistyčny. Jon ličyć, što ŭłady nie vypuściać nikoha z palitviaźniaŭ.Maksimum — skarociać terminy albo pieraviaduć z krytaj turmy ŭ kałoniju.
«Tyja, chto znachodziacca ŭ miescach pazbaŭleńnia voli na doŭhi termin, mahčyma, atrymajuć pasłableńni ŭ vyhladzie skaračeńnia terminu. Chto ŭpieršyniu trapiŭ za kraty — na hod skarociać hety termin. Kamuści amnistyja daść mahčymaść pierajści ŭ kałoniju z turmy, chtości zmoža padać chadajnictva na
Ci skarystajucca biełaruskija ŭłady zručnaj mahčymaściu naładzić adnosiny ź ES, pabačym nieŭzabavie. Čakać novaha zakonu ab amnistyi zastałosia kala dvuch tydniaŭ.
Ciapier čytajuć
Połk Kalinoŭskaha paviedamiŭ pra hibiel troch bajcoŭ3
Kamientary