Były kiraŭnik Chorchie Videła arhanizoŭvaŭ vykradańni dziaciej svaich palityčnych apanientaŭ.
Arhientynski sud vynies jašče adzin prysud byłomu dyktataru Chorchie Videle. Za sistematyčnaje vykradańnie małaletnich dziaciej svaich palityčnych apanientaŭ jon asudžany da 50 hadoŭ turmy.
Hety prysud mała što mianiaje ŭ žyćci byłoha kiraŭnika Arhientyny - 87-hadovy Chorchie Videła i tak adbyvaje pažyćciovaje źniavoleńnie za złačynstvy suprać čałaviectva. Padčas vajennaj dyktatury 1976-1981 hadoŭ jon pravodziŭ palityku žorstkaha padaŭleńnia ŭnutranaj apazicyi, jakaja atrymała sumnuju viadomaść jak «brudnaja vajna». Pa roznych acenkach, jaje achviarami mahli stać da 30 tysiač čałaviek.
U 1985 hodzie za katavańni i zabojstvy arhientynski sud asudziŭ Videłu da pažyćciovaha źniavoleńnia.Adnak u 1990 hodzie prezident Arhienciny Karłas Mieniem pamiłavaŭ dyktatara. U 2006 hodzie ukaz Mieniema ab pamiłavańni byŭ abvieščany niekanstytucyjnym, i sudovaje rasśledavańnie adnaviłasia. U 2008 hodzie Videła byŭ znoŭ aryštavany i źmieščany ŭ vajennuju turmu. U śniežni 2010 hoda sud znoŭ asudziŭ byłoha prezidenta Arhientyny da pažyćciovaha źniavoleńnia za złačynstvy suprać čałaviectva.
Arhientynski sud vyvučyŭ mnostva vypadkaŭ niezakonnaha vykradańnia, hvałtoŭnaha ŭtrymańnia i źmianieńnia asabistych dadzienych, u tym liku proźviščaŭ, u dziaciej va ŭzroście da 10 hadoŭ. Usie jany byli dziećmi palityčnych praciŭnikaŭ Videły.Jak ustanaviŭ sud, hetyja złačynstvy ździajśnialisia pa zahadzie dyktatara na sistematyčnaj asnovie.
Ciapier čytajuć
Šalona papularnaja minskaja błohierka patraciła na śviatkavańnie dnia naradžeńnia amal $16 tysiač34
Kamientary