Былы кіраўнік Хорхе Відэла арганізоўваў выкраданні дзяцей сваіх палітычных апанентаў.
Аргентынскі суд вынес яшчэ адзін прысуд былому дыктатару Хорхе Відэле. За сістэматычнае выкраданне малалетніх дзяцей сваіх палітычных апанентаў ён асуджаны да 50 гадоў турмы.
Гэты прысуд мала што мяняе ў жыцці былога кіраўніка Аргентыны - 87-гадовы Хорхе Відэла і так адбывае пажыццёвае зняволенне за злачынствы супраць чалавецтва. Падчас ваеннай дыктатуры 1976-1981 гадоў ён праводзіў палітыку жорсткага падаўлення ўнутранай апазіцыі, якая атрымала сумную вядомасць як «брудная вайна». Па розных ацэнках, яе ахвярамі маглі стаць да 30 тысяч чалавек.
У 1985 годзе за катаванні і забойствы аргентынскі суд асудзіў Відэлу да пажыццёвага зняволення.Аднак у 1990 годзе прэзідэнт Аргенціны Карлас Менем памілаваў дыктатара. У 2006 годзе указ Менема аб памілаванні быў абвешчаны неканстытуцыйным, і судовае расследаванне аднавілася. У 2008 годзе Відэла быў зноў арыштаваны і змешчаны ў ваенную турму. У снежні 2010 года суд зноў асудзіў былога прэзідэнта Аргентыны да пажыццёвага зняволення за злачынствы супраць чалавецтва.
Аргентынскі суд вывучыў мноства выпадкаў незаконнага выкрадання, гвалтоўнага ўтрымання і змянення асабістых дадзеных, у тым ліку прозвішчаў, у дзяцей ва ўзросце да 10 гадоў. Усе яны былі дзецьмі палітычных праціўнікаў Відэлы.Як устанавіў суд, гэтыя злачынствы здзяйсняліся па загадзе дыктатара на сістэматычнай аснове.
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь10
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары