Adbyłosia heta dziakujučy pieramozie Siereny Uiljams u finale Uimbłdona.
Amierykanka Sierena Uiljams, abyhraŭšy siońnia ŭ finale polskuju tenisistku Ahniešku Radvanskuju — 6:1, 5:7, 6:2 stała pieramožcaj adzinočnaha razradu Uimbłdonskaha turniru.
Šostaja rakietka śvietu Sierena Uiljams stała pieramožcaj adzinočnaha razradu na Ŭimbłdonie ŭžo piaty raz. Raniej jana była najmacniejšaj u 2002, 2004, 2009 i 2010 hadach.
Čarhovy tryumf Siereny Uiljams dapamoh biełaruscy Viktoryi Azarancy viarnucca na pieršaje miesca ŭ suśvietnym rejtynhu, abnoŭlenaja viersija jakoha budzie apublikavanaja 9 lipienia.
Viktoryja Azaranka z 30 studzienia na praciahu 19 tydniaŭ zajmała vierchni radok u suśvietnaj kłasifikacyi, pakul u červieni nie prajhrała ŭ 1/8 finału «Rałan Haros» słavačcy Daminicy Cybułkavaj, prapuściŭšy na viaršyniu rasijanku Maryju Šarapavu. Ale taja pratrymałasia na pieršym miescy ŭsiaho miesiac, bo ŭ 1/8 finału Uimbłdona prajhrała Sabinie Lisicki ź Niamieččyny.
Viktoryja ž Azaranka na Uimbłdonie vybyła z rozyhryšu na paŭfinalnaj stadyi, sastupiŭšy Sierenie Uiljams.
Ahnieška Radvanska mahła stać pieršaj rakietkaj śvietu, kali b vyjhrała siońnia ŭ Siereny Uiljams.
Kamientary