Vyniki CT pa 14 pradmietach.
Siońnia punkty testavańnia pačynajuć vydavać abituryjentam siertyfikaty centralizavanaha testavańnia, paviedamiŭ dyrektar Respublikanskaha instytuta kantrolu viedaŭ Mikałaj Fiaśkoŭ.
RIKV zaviaršyŭ pravierku testaŭ i ŭžo pieradaŭ usie siertyfikaty ŭ punkty testavańnia.
Mikałaj Fiaśkoŭ adznačyŭ, što ŭ hetym hodzie 2 abituryjentki atrymali dvojčy 100 bałaŭ.«Pa dvuch pradmietach CT atrymali ŭ hetym hodzie 100 bałaŭ — vypusknica himnazii № 11 Minska Taćciana Baranoŭskaja, u jakoj vyšejšy bał pa rasiejskaj movie i historyi Biełarusi, i vypusknica siaredniaj škoły № 2 Novałukomla Karyna Pačko, jakaja pakazała absalutny vynik pa chimii i bijałohii», — skazaŭ Mikałaj Fiaśkoŭ.
Siertyfikaty, jak i ŭ minułym hodzie, buduć vydadzieny ŭsim, chto atrymaŭ ad 1 i vyšej bałaŭ. Z hetaha hoda abituryjenty, jakija nabrali na CT 1–6 bałaŭ, nie zmohuć padać svaje dakumienty ŭ vyšejšyja navučalnyja ŭstanovy. Im pradastaŭlena prava atrymać siaredniuju śpiecyjalnuju adukacyju. Tyja, chto nabraŭ 0 bałaŭ, buduć pazbaŭleny prava padavać dakumienty dla ŭdziełu ŭ konkursie jak u VNU, tak i siarednija śpiecyjalnyja navučalnyja ŭstanovy. Pieršymi imknucca atrymać siertyfikaty abituryjenty, jakija płanujuć pastupać u VNU siłavych viedamstvaŭ i kultury. Bo dla ich ź siońniašniaha dnia ŭžo adkryta mahčymaść padačy dakumientaŭ u pryjomnyja kamisii.
Śpiecyjalisty RIKV ŭ hety čas pačynajuć padvodzić vyniki praviedzienych ispytaŭ. Mikałaj Fiaśkoŭ adznačyŭ, što dla ŭdziełu ŭ CT pa rasiejskaj movie byli zarehistravany 95 tys. 900 čałaviek. Ź ich — 93 tys. 507 čałaviek prajšli CT, 19 byli vydaleny. U cełym vyniki vykanańnia testaŭ pa hetamu pradmietu niaznačna adroźnivajucca ad minułahodnichch. Sto bałaŭ atrymali 19 abituryjentaŭ. U 2011 hodzie takich ščaśliŭčykaŭ było 7 čałaviek. Nul bałaŭ u troch udzielnikaŭ CT pa ruskaj movie. Siem bałaŭ pa ruskaj movie nie nabrali 3,67% abituryjentaŭ.
Dla ŭdziełu ŭ CT pa biełaruskaj movie zarehistravalisia 45 tys. 199 čałaviek. Prajšli CT — 44 tys. 70 čałaviek, 6 byli vydaleny. Jak adznačyŭ Mikałaj Fiaśkoŭ, 100 bałaŭ pa biełaruskaj atrymali 7 abituryjentaŭ, u 2011 hodzie ich było piaciora. Nul bałaŭ ŭ adnaho ŭdzielnika hetaha ispytu. Pa biełaruskaj movie nie nabrali 7 bałaŭ 2,65 pracenta abituryjentaŭ.
Dla ŭdziełu ŭ CT pa matematycy byli zarehistravany 95 tys. 163 čałaviek. Ź ich 91 tys. 437 prajšli CT, 17 byli vydaleny. Pryčym 100 bałaŭ na centralizavanym testavańni pa matematycy atrymali 46 abituryjentaŭ (u minułym hodzie ich było 33). Razam z tym, nie pieraadoleli paroha 7 bałaŭ 11,27 pracenta ad ahulnaha liku abituryjentaŭ. Hety vynik supastaŭny ź minułym hodam, kali takich abituryjentaŭ było amal 11%.
Fiziku płanavali zdavać 44 tys. 120 čałaviek. Ź ich 41 tys. 572 prajšli CT. Piać čałaviek byli vydaleny. Vykanać usie 30 zadańniaŭ za adviedzienyja 180 minut i nabrać 100 bałaŭ zmahli tolki dva ŭdzielniki testavańnia pa fizicy. Nie spraviŭsia ni z adnym zadańniem, a značyć, nabraŭ 0 bałaŭ, 41 abituryjent. Nie pieraadoleli paroha 7 bałaŭ bolš za 9 pracenta (3 tys. 915 abituryjentaŭ).
Dla ŭdziełu ŭ CT pa zamiežnych movach byli zarehistravanavy 34 tys. 804 čałaviek (anhlijskaja mova — 27 tys. 983, niamieckaja — 5 tys. 226, francuzskiaja — 1 tys. 267, ispanskaja — 328), prajšli CT 33 tys. 74 abituryjentya (26 tys. 646 — pa anhlijskaj movie, 4 tys. 923 — pa niamieckaj, 1 tys. 194 — pa francuzskaj i 311 — pa ispanskaj movie). Adzin z udzielnikaŭ CT pa anhlijskaj movie byŭ vydaleny. 100 bałaŭ u biahučym hodzie atrymali 2 udzielniki testavańnia pa anhlinjskaj movie i 2 — pa niamieckaj. Maksimalny bał (98) pa francuzskaj i ispanskaj movach atrymali pa adnamu ŭdzielniku testavańnia. Nie zmahli pravilna vykanać nivodnaha zadańnia pa anhlijskaj movie 4 čałavieki, pa niamieckaj — 2. Nie pieraadoleli paroha 7 bałaŭ 0,1% abituryjentaŭ pa anhlijskaj movie, 0,04 pracenta — pa niamieckaj i 0,08 pracenta — pa francuzskaj.
Dla ŭdziełu ŭ CT pa chimii byli zarehistravany 16 tys. 687 čałaviek. Ź ich 16 tys. 119 prajšli CT, 1 čałaviek byŭ vydaleny. 17 udzielnikaŭ centralizavanaha testavańnia pa chimii pravilna vykanali ŭsie 50 zadańniaŭ i atrymali 100 bałaŭ. Nie spravilisia ni z adnym z prapanavanych pytańniaŭ 3 abituryjenty. 30 abituryjentaŭ (0,2 pracenta) nie pieraadoleli paroha 7 bałaŭ.
Dla ŭdziełu ŭ CT pa bijałohii byli zarehistravany 28 tys. 636 čałaviek. Ź ich 27 tys. 652 prajšli CT. Adzin čałaviek byŭ vydaleny. U paraŭnańni ź minułym hodam vyrasła kolkaść abituryjentaŭ, jakija atrymali 100 bałaŭ, — 7 čałaviek. U minułym hodzie na vyšejšy bał vyjšaŭ tolki adzin abituryjent. Značna źmienšyłasia kolkaść abituryjentaŭ, jakija atrymali nul bałaŭ, — 3 čałavieki. U 2011 hodzie ich było 11. Paroha 7 bałaŭ nie pieraadoleli 0,15 pracenta ŭdzielnikaŭ testavańnia pa bijałohii.
Dla ŭdziełu ŭ CT pa historyi Biełarusi byli zarehistravany 21 tys. 653 čałavieki. Ź ich 20 tys. 426 prajšli CT. Troje byli vydaleny. Vyniki pa historyi Biełarusi akazalisia vyšejšyja za minułahodnija. Maksimalny
Dla ŭdziełu ŭ CT pa suśvietnaj historyi byli zarehistravany 1 tys. 876 čałaviek. Prajšli ispyt 1 tys. 749 abituryjentaŭ. Vyšejšy bał na CT pa suśvietnaj historyi naviejšaha času byŭ — 99, a minimalny — 2 bały. Abituryjentaŭ, jakija nie spravilisia ni z adnym z prapanavanych pytańniaŭ, niama. Nie pieraadoleli paroha 7 bałaŭ na centralizavanym testavańni pa suśvietnaj historyi naviejšaha času tolki try čałavieki.
Dla ŭdziełu ŭ CT pa hramadaznaŭstvu byli zarehistravany 9 tys. 441 čałaviek. Ź ich 9 tys. 13 prajšli CT. 100 bałaŭ na CT pa hramadaznaŭstvu atrymali 5 čałaviek. Dva ŭdzielniki zdali ispyty na nul bałaŭ. Jašče kala 0,2 pracenta ŭdzielnikaŭ CT nie pieraadoleli ŭstanoŭlenaha paroha 7 bałaŭ.
Apošnim byŭ napisany test pa hieahrafii. Dla ŭdziełu ŭ CT byli zarehistravany 2 tys. 363 čałaviek. Ź ich 2 tys. 220 prajšli ispyty. Maksimalny bał (98) atrymali 3 udzielniki testavańnia. Minimalny bał (3) atrymali pa vynikach vykanańnia testa 2 čałavieki. Nul bałaŭ nie atrymaŭ ni adzin pastupajučy. Pry hetym vosiem udzielnikaŭ testavańnia pa hieahrafii nie pieraadoleli paroha 7 bałaŭ.
U cełym, u 2012 hodzie adznačajecca rost pakazčykaŭ vykanańnia testaŭ praktyčna pa ŭsich pradmietach. Źmiest testavych zadańniaŭ adpaviadaŭ patrabavańniam prahramy ŭstupnych ispytaŭ. Materyjał pa 14 pradmietach byŭ vyrazna i łahična strukturavany. Zadańni mieli adnaznačny pravilny adkaz i byli raźmierkavany pa piaci ŭzroŭniach składanaści. Heta značyć, što dla ŭsich biez vyklučeńnia ŭdzielnikaŭ testavańnia ŭ teście byli pasilnyja zadańni.
Kamientary