Minus adna niezaležnaja prastora
Minčuki raźvitalisia z «Art-Siadzibaj».
Na zakryćcio «Art-Siadziby» sabrałasia ludziej. Niezaležnaja art-prastora pratrymałasia ŭ Minsku siem miesiacaŭ.
Na raźvitańnie zazirnuli ŭsie kolišnija siabry «Siadziby» — Palina Respublika (tut adbyŭsia jaje kancertny debiut», hurty "Amaroka" i "Recha", Fiedzia Žyvaleŭski z «Hołaj manaški».
«Žyvie „Art-Siadziba“!» — hety łozunh visieŭ nad impravizavanaj scenaj, jakuju pa čarzie zajmali hości siadziby.
Ciapier kiraŭnictva šukaje alternatyŭnuju placoŭku, taksama ŭ centry horada, adnak znajści jaje nie prosta. Pavał Biełavus (aŭtar idei i zasnavalnik «Siadziby») zapeŭnivaje, što art-prastora adnovicca. Tym bolš z harvykankama pačali prychodzić adkazy na zajavy hramadzian, jakija prosiać pakinuć «Siadzibu» na tym miescy, dzie jana ciapier. Adnak, upraŭleńnie kultury harvykankama nie zajmajecca rašeńniem takich zadač.
Za paŭhoda isnavańnia «Art-Siadziby» ŭ joj paśpieli vystupić amal usie muzyki z čornaha śpisu — ad Lavona Volskaha da Źmitra Vajciuškieviča. Tam śviatkavaŭ narodziny Aleś Maračkin, prezientavalisia knihi z vydaviectva radyjo «Svaboda», siudy pryjazžali niamieckija mastaki, čytaŭ lekcyi Michał Aniempadystaŭ — ciažka zhadać usie mierapryjemstvy, jakija paśpieli pravieści «siadzibaŭcy».
Ciapier zavod «Haryzont» z pryjaznaha miesca, kudy možna zavitać kožny viečar, pieraŭtvaryŭsia ŭ prosta zavod «Haryzont». A pra «Art-Siadzibu» my jašče ŭ chutkim časie pačujem.
Kamientary