Fermenty, jakija vyłučajucca pry pacałunkach, pieraškadžajuć źjaŭleńniu harmonaŭ stresu - hlukakartykoidaŭ. A jašče pacałunki ŭzmacniajuć vyłučeńnie adrenalinu, što pavyšaje ahulnuju i psychičnuju aktyŭnaść.
Samaja pryjemnaja abarona ad stresu... I heta nia prosta słovy, a navukovy fakt! Fermenty, jakija vyłučajucca pry pacałunkach, pieraškadžajuć źjaŭleńniu harmonaŭ stresu - hlukakartykoidaŭ (jany vypracoŭvajucca nadnyračnikami). Kali ich stanovicca vielmi šmat, pavyšajecca cisk, ŭzrovień chalesteryna, źjaŭlajecca myšačnaja słabaść, parušajecca balans insulinu j pačynajecca biassońnica. A jašče pacałunki ŭzmacniajuć vyłučeńnie adrenalinu, što pavyšaje ahulnuju i psychičnuju aktyŭnaść.
Psycholahi z Berlinskaha universytetu pad kiraŭnictvam Łarsa Chahiena navukovym šlacham padličyli, što try 20-sekundnych pacałunki zranicy zdolnyja stvaryć ramantyčny nastroj na ŭvieś dzień.
Doŭhi pacałunak zdolny spynić prystup viehietasasudzistaj dystanii (znoŭ ža dziakujučy narmalizacyi harmanalnaha fonu). Našy vusny ŭ sotni razoŭ bolš adčuvalnyja za končyki palcaŭ.
Pacałunak pryvodzić ŭ dziejańnie ažno 34 ciahlicy (u tym liku 12 vakoł vusnaŭ i 17 na jazyku) i vyklikaje vykid u kroŭ harmonaŭ ščaścia - endarfinaŭ.
Kali my całujemsia, skura ružavieje i stanovicca ciaplejšaj.
Z-za raptoŭnaha prylivu kryvi vusny nalivajucca dy čyrvaniejuć. Mienavita pa hetaj pryčynie pamada jarkich koleraŭ uzmacniaje eratyčnuju pryvabnaść.
Haračy pacałunak zdolny ŭzmacnić čaściniu pulsu da 150 udaraŭ za chvilinu - heta stymuluje kryvatok i nasyčeńnie kisłarodam kletak mozha. A heta robić razumovyja pracesy chutčejšymi, dapamahaje lepiej skancentravacca i palapšaje karotkačasovuju pamiać (jana adkazvaje za zapaminańnie infarmacyi). Tak što, całujcie svaich kachanych ranicaj doŭha i dalikatna!
...stymuł abarončych siłaŭ arhanizmu...
U našaj ślinie pražyvaje ahromnistaja kolkaść bakteryj. Pryčym 80% ź ich adnolkavyja va ŭsich ludziej, a 20% indyvidualnyja. Dyk voś, kali pry pacałunku čužyja bakteryi traplajuć da nas, naša abarončaja sistema prychodzić u bajavuju hatoŭnaść, zapuskajecca praces źjaŭleńnia antyciełaŭ. Heta daje mocny šturšok imunitetu.
Stamatolahi ličać, što rehularnyja i praciahłyja pacałunki - cudoŭnaja prafilaktyka karyjesu. Sprava ŭ tym, što naša ślina bahataja na złučeńni kalcyju i fosfaru, a taksama pryrodnymi antybijotykami. Pry pacałunkach jana nie zastojvajecca, praces jaje vypracoŭki idzie chutčej, suadnosna, usie karysnyja rečyvy dziejničajuć bolš aktyŭna.
Ciapier čytajuć
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak3
Kamientary