Žycharu Staŭbcoŭskaha rajona 1994 hoda naradžeńnia vystaŭlena abvinavačańnie ŭ zabojstvie z asablivaj žorstkaściu (p. 6 č. 2 art. 139 KK) vučanicy11-ha kłasa Zasulskaj siaredniaj škoły, 1996 hoda naradžeńnia.
Pra heta žurnalistam 18 lipienia paviedamiŭ načalnik upraŭleńnia Śledčaha kamiteta pa Minskaj vobłaści Jahor Siniak.
«Vystaŭlena abvinavačańnie. Chłopiec daje pakazańni. Pravodziacca inšyja śledčyja dziejańni, skiravanyja na zbor dadatkovych dokazaŭ. Pryznačany ekśpiertyzy», — skazaŭ Siniak.
Pavodle jaho słoŭ, maładyja ludzi bavili čas u kampanii, vypivali. Kali zastalisia ŭdvaich — uźnikła svarka, i małady čałaviek zadušyŭ dziaŭčynu.
Abvinavačańnie padazronamu było vystaŭlena 12 lipienia. Na momant učynieńnia złačynstva jon byŭ niepaŭnaletnim.
Nahadajem, trup dziaŭčyny byŭ znojdzieny 30 červienia ŭ dvary dačnaha doma ŭ vioscy Zasulle. Cieła znachodziłasia ŭ jamie i było prysypana ziamloj. Z 28 červienia školnica znachodziłasia ŭ vyšuku jak bieź viestak źnikłaja.
Kamientary