U31-y dzień narodzinaŭ palitviaźnia advakatka naviedała jaho ŭ Hłybockaj kałonii.
Zaŭčora Źmitra vypuścili z ŠIZA, tamu svaje narodziny jon sustrakaje ŭ atradzie. Jak paviedamiła niaviesta palitviaźnia Nasta Pałažanka, Źmitru pryjšło kala 100 vinšavalnych listoŭ i kala 50 paštovak. Aproč hetaha, siońnia musić pryjści padarunak ad samoj Pałažanki — samarobny albom «Adzin dzień bieź ciabie», dzie Nasta pakazała svoj dzień biez kachanaha ŭ zdymkach i malunkach.
Jak paviedamiła Nasta, u Źmitra ŭžo byŭ pieršy dopyt pa zaviedzienaj kryminalnaj spravie.Jak «złosnamu parušalniku» Daškieviču mohuć nakinuć jašče hod źniavoleńnia. Kali hetaha nie adbudziecca, 18 śniežnia Źmicier vyjdzie na volu.
Daškievič admoviŭsia davać lubyja pakazańni na dopycie. Pałažanka cytuje słovy Źmitra: «Ja ŭ hetym cyrku budu tolki hledačom». Taksama Daškievič admoviŭsia ad pasłuh advakata ŭ hetym pracesie.
Nahadajem, Nasta Pałažanka i Źmicier Daškievič ŭžo bolš za hod nie mohuć uziać šlub, bo Źmitru tak i nie viarnuli pašpart paśla śledstva pa jaho kryminalnaj spravie.
0
0
0
0
0
0
