Tolki adzin dzień, 22 lipienia, u homielskim Śviata-Pietra-Paŭłaŭskim kafiedralnym sabory možna budzie pakłanicca abrazu Božaj Maci Čanstachoŭskaj. Śpis abraza, aśviečany na aryhinale, prybudzie ŭ horad ź mižnarodnym chrosnym chodam "Ad akijana da akijana", paviedamili ŭ infarmacyjnym adździele Homielskaj jeparchii.
Ušanavany pravasłaŭnymi i katalickimi viernikami abraz Najśviaciejšaj Baharodzicy ŭvieś čas zachoŭvajecca ŭ polskim horadzie Čanstachova. Da stvareńnia aryhinała cudatvornaj vyjavy pramoje dačynieńnie maje śviaty apostał-jevanhielist Łuka, jaki napisaŭ abraz u Sijonskaj śviatlicy Ijerusalima i pieradaŭ jaje lubimamu vučniu Isusa Chrysta — apostału-jevanhielistu Iaanu Bahasłovu. U 326 hodzie vierniki, jakija schavali abraz u piačorach ad źnievažańnia rymskimi voinami, padaryli jaho śviatoj roŭnaapostalnaj carycy Alenie, dziakujučy jakoj zdabyty Žyvatvorny Kryž Haspodni. Pavodle niekatorych krynic, cudatvorny abraz u Kijeŭ pryviezła careŭna Hanna, jakuju błahasłavili na šlub z kniaziem Uładzimiram Čyrvonaje Soniejka, jakija chryścili Ruś u X stahodździ. Praź niekalki stahodździaŭ abraz trapiŭ u Polšču, dzie ŭsłaviŭsia cudami, nieadnarazova ratujučy žycharoŭ navakolnych pasieliščaŭ ad našeścia tataraŭ, husickaj piachoty češskaha relihijnaha tavarystva, armii šviedskaha karala. Abraz Božaj Maci zachavaŭ ślady šabielnych udaraŭ, atrymanych u bitvach.
Mižnarodny chrosny chod "Ad akijana da akijana", jaki prachodzić pad pokryvam abraza Čanstachoŭskaj Božaj Maci pa terytoryi Biełarusi, błahasłaviŭ mitrapalit Fiłaret. Aŭtaprabieh, maršrut jakoha pralahaje pa terytoryi 20 krain ad rasijskaha ŭźbiarežža Cichaha akijana da partuhalskaha ŭźbiarežža Atłantyčnaha akijana, pryśviečany abaronie tradycyjnych siamiejnych kaštoŭnaściaŭ.
-
Vyjšła aŭtabijahrafija Marka Šahała «Svajo»
-
«Ruskaj movy moj syn nie čuje». Marharyta Laŭčuk — pra vykliki maciarynstva, viartańnie na vialikuju scenu, abražanaha Łukašenku i kachańnie
-
U Vilni ŭšanujuć pamiać biełaruskaha fatohrafa Juzafa Čachoviča i mastakoŭ Ślandzinskich. Vakoł šyldaŭ razhareŭsia moŭny skandał
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary