9 žniŭnia milicyja zabrała Parfiankova, kab jon pačaŭ adbyvać pryznačanaje sudom pakarańnie.
«Niekalki dzion jon budzie znachodzicca ŭ Minsku — heta moža być turma na Akreścina, albo izalatar na vulicy Vaładarskaha. Paśla jaho pavinny etapavać. Jość niekalki varyjantaŭ, dzie jon moža adbyvać pakarańnie: Vaŭkavysk, Hłybokaje, Žodzina. Ja viedaju, što jon pisaŭ zajavu, kab adbyvać pakarańnie ŭ Hłybokim.
Kudy jaho nakirujuć, stanie viadoma dniami», — paviedamiła pravaabaronca Nasta Łojka.
Papraŭčaja ŭstanova №13 u Hłybokim maje siarod źniavolenych reputacyju samaj zakrytaj kałonii ŭ Biełarusi. Adrozna ad inšych biełaruskich kałonij, dzie viaźni mohuć bolš-mienš svabodna pieramiaščacca pa zonie, špacyry hłybockich asudžanych abmiežavanyja dźviuma hadzinami ŭ dzień.
***
29 traŭnia Vasil Parfiankoŭ byŭ asudžany pavodle art. 421 Kryminalnaha kodeksa Respubliki Biełaruś sudździoj Pieršamajskaha rajona Minska Siarhiejem Bandarenkam. Previentyŭny nahlad terminam na adzin hod, u parušeńni jakoha pryznany vinavatym były palitviazień, byŭ ustanoŭleny za im z 5 studzienia 2012 hoda. Padstavaj dla hetaha staŭ ŭdzieł Parfiankova ŭ hramadska-palityčnym žyćci paśla taho, jak jon u liku inšych viaźniaŭ Płoščy-2010 byŭ vyzvaleny ŭ žniŭni 2011 hoda ŭ adpaviednaści z ukazam prezidenta ab pamiłavańni.
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA21
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary