Inšyja kažuć, što ich bili, dapytvali, ale adpuskali.
Pavieł Jeŭcichiejeŭ atrymaŭ 5 sutak aryštu, Andrej Tkačoŭ — 7. Ich abvinavacili ŭ drobnym chulihanstvie.
Ramana Pratasieviča praz 4 hadziny razmoŭ z supracoŭnikami KDB adpuścili. Hety čas, pa słovach chłopca, jaho bili i pahražali «paviesić» na jaho drobnyja kradziažy — patrabavali, kab jon vydaŭ parol ad svajho akaunta «VKontaktie». Małady čałaviek admoviŭsia. Adpuścili jaho praz toje, što źjaŭlajecca niepaŭnaletnim.
Ciarhiej Biaspałaŭ paźbieh zatrymańnia, bo znachodziŭsia nie pa miescy rehistracyi. A na kvatery praviali pieratrus. Ale dakładna nieviadoma, ci nie adšukali i jaho słužbisty.
U Viciebsku byŭ zatrymany maderatar internet-supołki «Nadakučyŭ nam hety Łukašenka» Aleh Šramuk. Jaho dapytali i adpuścili. Razam ź im była dapytana i žonka Alesia.
U vyniku była źniščana supołka «Nadakučyŭ nam hety Łukašenka».
Ale praź niejki čas była stvorana novaja pad takoj samaj nazvaj. Maksim Čarniaŭski paviedamiŭ, što «jak stała zrazumieła, što administracyja sacyjalnaj sietki nie pojdzie nam nasustrač, ja stvaryŭ novuju supołku. Ja źviarnuŭsia ŭ techpadtrymku jašče sutki tamu, ale dahetul mnie ničoha nie adkazali.
Ciapier tam admin tolki ja. I zachapić jaje možna tolki, aryštavaŭšy mianie ŭ Varšavie, albo, padkreślivaju, ź niepasrednaj dapamohaj administracyi «VKontaktie».
Taksama ŭ nas atrymałasia vyratavać sustreču «Lapis Trubiacokj — biaspłatny kancert u Minsku».
Nahadajem, abłava na maderataraŭ apazicyjnych supołak u sacsietkach prajšła 30 žniŭnia ŭ Minsku i Viciebsku. Słužbistaŭ cikavili paroli da akauntaŭ u sacyjalnych sietkach i supołak «Lapis Trubiacokj — biaspłatny kancert u Minsku» i «Nadakučyŭ nam hety Łukašenka».
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA121
Alaksandr Łukašenka tak lasnuŭsia na lod na chakiei, što trybuny zamierli VIDEA
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary