9 krasavika ŭ Bruklinie (Ńju‑Jork), u klubie «The Hook» adbyŭsia kancert Lavona Volskaha. Jaho zładzili Biełaruska‑Amerykanskaha Zadzinočańnie i Zhurtavańnie Biełaruskaj Moładzi ŭ Amerycy (moładź BAZA) .
9 krasavika ŭ Bruklinie (Ńju‑Jork), u klubie «The Hook» adbyŭsia kancert Lavona Volskaha. Jaho zładzili Biełaruska‑Amerykanskaha Zadzinočańnie i Zhurtavańnie Biełaruskaj Moładzi ŭ Amerycy (moładź BAZA).
U kancercie taksama brali ŭdzieł Siaržuk Sokałaŭ‑Vojuš, hurt ''Kachańnie'', a taksama biełaruski hurt z štatu Ńju-Džerzi.
Kancert pryciahnuŭ vialikuju kolkaść biełaruskaj moładzi z usich ZŠA. Jak i na minuły kancert, ludzi lacieli siudy samalotami, jechali ciahnikami i aŭtamašynami. Hieahrafija była nadzvyčaj šyrokaja:ad Kalifornii da Florydy.
Pieršyja dźvie hadziny vystupali hurt «Kachańnie» i hurt ź Ńju‑Džersi. Pierad vystupam Volskaha try pieśni vykanaŭ Siaržuk Sokałaŭ‑Vojuš. Jany byli sustretyja vielmi pryjazna, ale adčuvałasia, što siońnia hałoŭny hieroj Lavon Volski.
Prychilniki jahonaje tvorčaści mieli mahčymaść nabyć jahonyja dyski pry ŭvachodzie, jakija prapanoŭvała dziaŭčyna Alonka z Dełaveru: «Jak nia chočacca stajać tut, ale nichto nia choča za mianie heta rabić, tak dobra było‑b patančyć razam z usimi».
Sapraŭdy, prosta stajać abo siadzieć byli zdolnyja niamnohija. Da prodažu prapanoŭvaŭsia navat novy albom muzyčnaha prajektu «Krambambula» «Krambambula Śviatočnaja» , jakuju, pa słovach Alonki, «jašče nia majuć mahčymaści nabyć navat u Biełarusi».
Biełaruskaja moładź ZŠA adčuvała siabie vielmi ŭźniosła, vokličy «Žyvie Biełaruś» sutrasali pavietra. Było adčuvańnie, što pavietra prosta pružynić ad enierhii maładych Biełarusaŭ Ameryki.
Jak i dva hady tamu, pierad druhoj častkaj kancertu, byŭ arhanizavany aŭkcyjon, jaki viała aktyvistka i adna ź lideraŭ Zhurtavańnia Biełaruskaj Moładzi ŭ Amerycy Hražyna Zaleŭskaja. «Na pieršym kancercie dva hady tamu ja nabyła butelku Krambambuli za 200 dalaraŭ, tak što heta i budzie startavym koštam».
Paśla ažyŭlenaha handlu, Krambambula była pradadzienaja za 350 dalaraŭ spadaru Dzianisu z Atlantyk-Sici (Ńju‑Džersi). Chłopiec taksama nabyŭ i samy pieršy łot, majku, jakuju Lavon Volski razam z žonkaj Hannaj upryhožyŭ malavańniem. Majka abyjšłasia jamu ŭ 110 dalaraŭ. Słova Dzianisu:» Ja viedaŭ, što Krambambula budzie majoj, ja byŭ hatovy addać za jaje tysiaču, heta byŭ moj limit, voś‑by cikava było, kab addaŭ tysiaču za butelku.»Apošnim łotam była karcina, namalavanaja Volskim napiaredadni kancertu.
Pierad druhoj častkaj Lavon padziakavaŭ arhanizataram kancertu ŭ Ńju‑Jorku i tym, usim, chto spryjaŭ jahonamu pryjezdu: Biełaruska—Amerykanskamu Zadzinočańńniu, Zhurtavańniu Biełaruskaj Moładzi ŭ Amerycy (www.zbma.net), asabista Vitalu Zajku, Andreju Čyžu, Hražynie Zaleŭskaj, Mikicie Aharodniku, Taćcianie Kułakievič, Mikałaju Cimašenka, Illi Kunickamu, Andreju Miadźviedziku, Vitalu Rakuciu.
Apošniaja častka vystupu pralacieła niezaŭvažna, kancert skončyŭsia a 23.30. Paśla kala hadziny Lavon fatahrafavaŭsia z achvočymi i razdavaŭ aŭtohrafy. Usie razychodzilisia‑raźjaždžalisia ŭ pryjemnym nastroi. Muzyka i pieśni hučali u hałavie, usie adčuvali niezvyčajnuju lohkaść i honar za toje, što jany Biełarusy.
Kamientary