Za pastanoŭku, aranžyroŭku i kaściumy biełaruski kankursant budzie płacić sam.
Biełteleradyjokampanija, jakaja raniej apłačvała numar biełaruskaha vykanaŭca, budzie zajmacca tolki tym, što źviazana z telebačańniem. Pra heta 3 kastryčnika na pres-kanfierencyi paviedamiła Volha Šlahier, kiraŭnik nacyjanalnaha adboračnaha tura konkursu "Jeŭrabačańnie-2013".
Praŭda, kali kiraŭnictvu Biełteleradyjokampanii spadabajecca vykanaŭca, jana moža ŭziacca za jaho pradziusavańnie, udakładniła Šlahier.
Televiadučaja, jakaja prymieryła na siabie novuju rolu kiraŭnika, taksama paviedamiła žurnalistam, što nacyjanalny adboračny tur na "Jeŭrabačańnie", jakoje projdzie ŭ mai ŭ Šviecyi, užo pačaŭsia. "Užo ŭ hetym hodzie stanie viadoma, chto pradstavić našu krainu na prestyžnym piesiennym konkursie. U kancy kastryčnika buduć abvieščanyja papiarednija vyniki,
16 listapada płanujecca praviadzieńnie paŭfinału, a niedzie 7 śniežnia adbudziecca finał nacyjanalnaha adboračnaha tura, pa vynikach jakoha i stanie viadoma, chto pajedzie vystupać u Šviecyju ", --paviedamiła Volha Šlahier.
Aśviatlać padziei padrychtoŭki kankursanta ad Biełarusi buduć usie telekanały Biełteleradyjokampanii, tranślacyja konkursu tradycyjna projdzie na kanale "Biełaruś-1".Paŭfinał i finał nacyjanalnaha adboračnaha tura adbuducca ŭ samaj vialikaj, u 600 kvadratnych mietraŭ, studyi Biełteleradyjokampanii.
Pa słovach Volhi Šlahier, nacyjanalny adboračny tur u hetym hodzie pravodzicca raniej, čym u papiarednija hady, tamu što arhanizatary chočuć pakinuć bolš času na padrychtoŭku samaha muzyčnaha numara.
Nacyjanalny adboračny tur na prestyžny piesienny konkurs u hetym hodzie stanie jubilejnym, dziesiatym pa liku.Pryjom zajavak na konkurs zakančvajecca 22 kastryčnika.
Ciapier čytajuć
Połk Kalinoŭskaha paviedamiŭ pra hibiel troch bajcoŭ2
Kamientary