Jak u kožnaha pakaleńnia jość svoj Kupała, tak i ŭ kožnaha pakaleńnia jość svaja Vilnia. Hety afaryzm paćviardžajecca knihami Kiryły Atamančyka.
Chłopiec — uciakač ad łukašenkaŭskich represij — pražyŭ piać hadoŭ u sercy novaha biełaruskaha vilenskaha asiarodka. Advučyŭsia ŭ Jeŭrapiejskim humanitarnym univiersitecie. Pisaŭ haračy błoh. Ładziŭ biełaruskija akcyi i pachody. A ciapier skłaŭ dźvie knihi pad nazvaj «Biełaruskija staronki Vilni».
Pieršaja maje padzahałovak «La vytokaŭ niezaležnaj Biełarusi (ciaredzina XIX — pieršaja pałova XX st.)», druhi — «Adukacyja».Pieršaja kniha samakaštoŭnaja, druhaja vyhladaje revieransam u bok Jeŭrapiejskaha humanitarnaha ŭniviersiteta, što spryjaŭ u vydańni.
Knihi majuć formu daviednikaŭ. Usiu infarmacyju, što ŭ ich jość, možna adšukać u internecie i raniejšych krynicach, ale sabrać jaje razam nichto nie pasprabavaŭ.U knihach — karotkija artykuły i sučasnyja fota miaścin, źviazanych sa słaŭnymi dziejačami i staronkami našaj minuŭščyny. Kalinoŭski, Bahuševič, Stankievič, «Naša Niva», BNR, Biełaruskaja himnazija, damy maryjanaŭ, Šyrma, Sierhijevič… Padbor uražvaje.
Jakoje ž mnostva biełaruskich adrasoŭ zachavałasia ŭ siońniašniaj litoŭskaj stalicy!
Knihi vyjšli na dźviuch movach: biełaruskaj i litoŭskaj.
U pradmovie aŭtar adznačaje, što na pracu jaho natchniła kniha Lavona Łuckieviča «Vandroŭki pa Vilni», što vyjšła ŭ 1998.«Vandroŭki…», napisanyja synam zasnavalnika «Hramady» i «Našaj Nivy», mieli miemuarny prysmak, byli chutčej padručnikam pa historyi Biełaruskaj Vilni.
Atamančykava kniha bolš ścisłaja, ale i bolš funkcyjanalnaja.Artykuł pra kožny adras supravadžaje mapa z paznakaj hetaha miesca na płanie horada. Z dapamohaj knihi kožny moža zładzić sabie indyvidualnuju ekskursiju pa Biełaruskaj Vilni. «Staronki…" možna spampavać u internecie na sajcie vilniaby.com.
Pierad pajezdkaj u Vilniu varta pračytać Łuckieviča, kab natchnicca, ale aryjentavacca ŭ Kryvickaj Mieccy budzie praściej pa knizie Atamančyka.
* * *
Kirył Atamančyk — hramadski aktyvist, błohier. Naradziŭsia ŭ 1989 u Žłobinie (Biełaruś, Homielskaja vobłaść). Atrymaŭ siaredniuju adukacyju ŭ Žłobinskaj mnohaprofilnaj himnazii № 1. Kali sumnaviadomy Homielski KDB zavioŭ suprać jaho kryminalnuju spravu za ŭdzieł u Maładym Froncie, vymušany byŭ pakinuć Biełaruś. Skončyŭ Jeŭrapiejski humanitarny ŭniviersitet u Vilni (śpiecyjalnaść «Kulturnaja spadčyna i turyzm»). Źjaŭlajecca supracoŭnikam EHU. Praktykant Muzieja achviar hienacydu i Centra daśleda vańnia hienacydu i rezistencyi žycharoŭ Litvy (Vilnia).
Ciapier čytajuć
Jak u halečy śpivałasia radnia Łukašenki? Małaviadomyja fakty45
Kamientary