Abmiarkoŭvalisia pytańni stvareńnia pravavoj bazy dla raźvićcia supracoŭnictva ŭ śfiery mirnaha vykarystańnia jadziernaj enerhii, a taksama realizacyi najbolš bujnych investycyjnych prajektaŭ.
Praciahvajecca vizit biełaruskaj uradavaj delehacyi na čale ź pieršym vice‑premjeram Uładzimiram Siamaškam u Kitajskuju Narodnuju Respubliku. U składzie delehacyi taksama pradstaŭniki ministerstvaŭ enierhietyki, architektury i budaŭnictva, kancernaŭ «Biellespapierapram», «Biellehpram», Savieta ministraŭ.
Jak paviedamiła pres‑słužba Ministerstva zamiežnych spraŭ Biełarusi, u pieršy dzień vizitu, 16 krasavika, U.Siamaška pravioŭ pieramovy sa staršynioj Kitajskaha nacyjanalnaha ahienctva pa atamnaj enierhietycy Suń Cyniem, staršynioj praŭleńnia technałahičnaj hrupavoj kampanii «Tun Jun» Čeń Vejhieniem. Na sustrečach abmiarkoŭvalisia pytańni stvareńnia pravavoj bazy dla raźvićcia supracoŭnictva ŭ śfiery mirnaha vykarystańnia jadziernaj enierhii, a taksama realizacyi najbolš bujnych inviestycyjnych prajektaŭ (rekanstrukcyja CEC, budaŭnictva vuhalnych elektrastancyj i inš.). U toj ža dzień adbyłasia sustreča kiraŭnika biełaruskaj delehacyi z namieśnikam ministra zamiežnych spraŭ KNR Daj Binha.
17 krasavika U.Siamaška sustreŭsia ź ministram finansaŭ KNR Czyń Žeńcynam i prezidentam ekspartna‑impartnaha banka Kitaja Li Žohu.
U toj ža dzień pieršy namieśnik premjer‑ministra pravioŭ pieramovy z kiraŭnikami kampanij «Junčen» i «Czianchuaj endžyn» pa pytańniach stvareńnia ŭ KNR zboračnaj vytvorčaści i sumiesnaha pradpryjemstva pa vypusku traktaroŭ «Biełarus», a taksama z kiraŭnictvam Kitajskaj karparacyi pa enierhietyčnym abstalavańni pa pytańniach realizacyi ŭ Biełarusi prajektaŭ u halinie enierhietyki.
18 krasavika kiraŭnik biełaruskaj delehacyi naviedaŭ šerah kitajskich enierhietyčnych abjektaŭ, anałahi jakich buduć uzvodzicca ŭ Biełarusi, paviedamlaje pres‑słužba MZS.
Ciapier čytajuć
Maładuju biełarusku pratrymali ŭ rasijskim SIZA amal 4 hady i apraŭdali. A kampiensacyju dali takuju, nibyta ŭ tvar plunuli3
Kamientary