U najbližejšy paniadziełak Jeŭrasajuz maje namier praciahnuć dziejańnie sankcyj adnosna łukašenkaŭcaŭ da 31 kastryčnika 2013 hoda.Pra heta havorycca ŭ kamientary da paradku dnia zapłanavanaha na 15 kastryčnika pasiadžeńnia Rady ministraŭ zamiežnych spraŭ krain ES.
«
Uličvajučy, što nie ŭsie palitźniavolenyja byli vyzvaleny, nichto z vyzvalenych (palitźniavolenych) nie byŭ reabilitavany, a situacyja z pavahaj pravoŭ čałavieka, viaršenstva zakona i demakratyčnych pryncypaŭ nie palepšała, Rada praciahnie dziejańnie abmiežavalnych mier da 31 kastryčnika 2013 hoda», — paviedamlajepres-słužba Rady ES.
Jeŭrasajuz maje namier pieryjadyčna pierahladać abmiežavalnyja miery ŭ zaležnaści ad taho, jak budzie raźvivacca situacyja ŭ krainie. U paviedamleńni nahadvajecca, što ciapier 243 biełaruskim čynoŭnikam, u tym liku prezidentu Alaksandru Łukašenku, zabaronieny ŭjezd na terytoryju krain ES.
Na pasiadžeńni 15 kastryčnika ministry zamiežnych spraŭ płanujuć abmierkavać situacyju ŭ Biełarusi paśla parłamienckich vybaraŭ, jakija adbylisia 23 vieraśnia.
«Jeŭrasajuz praciahnie patrabavać, kab usie palitźniavolenyja byli vyzvaleny i reabilitavany, — padkreślivajecca ŭ paviedamleńni. — Palityka ES adnosna Biełarusi, u lubym vypadku, nie abmiažoŭvajecca sankcyjami, ale taksama vyražajecca ŭ padtrymcy hramadzianskaj supolnaści i niezaležnych ŚMI».
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary