U kryvi šviejcarca było kala 6 pramile ałkaholu.
U Šviejcaryi zatrymany kiroŭca, jaki moža pretendavać na antyrekord pavodle stupieni apjanieńnia za rulom. Kancentracyja ałkaholu ŭ kryvi mužčyny skłała ad 5,45 da 6 pramile, paviedamlajuć šviejcarskija ŚMI.
47-hadovy kiroŭca byŭ aryštavany palicejskimi niepadalok ad miastečka Le-Łokl. Uvahu achoŭnikaŭ paradku pryciahnuła mašyna, što stajała na ŭzbočynie trasy.
Kali sproby abudzić kiroŭcu nie skončylisia pośpiecham, palicyjanty vyklikali chutkuju dapamohu, jakaja zabrała «rekardsmiena» ŭ balnicu.
Analiz pakazaŭ vielmi vysokaje ŭtrymańnie ałkaholu ŭ kryvi. Miedyki adznačajuć: «Pry 3 pramile ludzi zvyčajna ŭpadajuć u komu, choć heta indyvidualna. Paroha apjanieńnia, paśla jakoha čałaviek pamiraje, nie isnuje: chtości pamiraje, i pry 2 pramile, u kahości ŭstojlivaść bolšaja». Darečy,
kab dasiahnuć pakazčyka ŭ 4 pramile, treba vypić butelku harełki załpam.Sprava kiroŭcy, jakomu nadoŭha budzie zabaroniena sadzicca za rul, pieradadzienaja ŭ prakuraturu.
Ciapier čytajuć
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy21
Kamientary