Pra heta paviedamiŭ napres-kanfierencyi 31 kastryčnika namieśnik staršyni praŭleńnia Nacbanka Siarhiej Dubkoŭ.
Hałoŭny bank krainy źviartaje ŭvahu bankaŭ na nieabchodnaść uličvać tempy rostu roźničnaha kredytavańnia ŭ suviazi z majučym adbycca ŭvachodžańniem u siłu 23 studzienia 2013 hoda normy, u adpaviednaści ź jakoj košt roźničnych kredytaŭ budzie vyznačacca vyklučna poŭnaj pracentnaj staŭkaj bieź źbirańnia kamisijnych.
U vypadku niehatyŭnych tendencyj na rynku kredytavańnia, źviazanych z vysokimi pracentnymi staŭkami pa roźničnych kredytach, Nacbank hatovy da ŭstanaŭleńnia miežavaj pracentnaj staŭki.
«Pytańnie ŭstanaŭleńnia miežavaj pracentnaj staŭki pa roźničnych kredytach u śviecie praktykujecca. Prykład — Šviejcarskaja Kanfiederacyja. Tam, nakolki ja viedaju, ustanaŭlivajecca miežavaja pracentnaja staŭka pa roźničnych kredytach», — skazaŭ Dubkoŭ.
«U svoj čas ja kazaŭ, što, kali banki zojmuć „dubałomnuju“ pazicyju pa restrukturyzacyi zapazyčanaści nasielnictva pa valutnych kredytach, my prymienim mižnarodny vopyt Vienhryi. Banki zrazumieli, što bolš efiektyŭna znachodzić rašeńnie. Anałahična, kali banki nie znojduć rašeńnia, spašlomsia na mižnarodny vopyt», — zajaviŭ namieśnik kiraŭnika Nacbanka.
«My nie chočam rabić usich adnolkavymi, tamu što mienavita svabodnaja kankurencyja na rynku roznych mietodyk dazvalaje bankam prapanoŭvać najbolš jakasny pradukt, u tym liku pa cenavych paramietrach, — padkreśliŭ jon. — My nie płanujem i nie źbirajemsia ŭstanaŭlivać niejkija adzinyja nadzvyčaj vysokija staŭki, chacia adpaviednaje prava ŭ Nacyjanalnaha banka jość zhodna z Bankaŭskim kodeksam. I heta prava taksama źjaŭlajecca mižnarodnaj praktykaj.
Pry hetym Dubkoŭ źviarnuŭ uvahu na toje, što ŭ apošnija dva ź lišnim hady Nacbank adyšoŭ ad rekamiendacyj bankam ustanaŭlivać miežavyja značeńni pa depazitach i kredytach, ale pry hetym adsočvaje, «kab nie było vahańniaŭ, chvalaŭ».
«Na rozdum dali paŭhadziny». Nastaŭnicy z Połacka daviałosia zvolnicca z-za tyktok-błoha2
Kamientary