Mikałaj Aŭtuchovič: «Pra inšych palitviaźniaŭ ja daviedvajusia z haziet»
Pavodle Kryminalna-vykanaŭčaha kodeksa viaźniam zabaraniajecca listavacca ź inšymi źniavolenymi (č.3 art. 85).Tamu ŭsiu infarmacyju pra adnadumcaŭ i paplečnikaŭ jany daviedvajucca z presy. Mikałaj Aŭtuchovič piša, što listoŭ, haziet i knih atrymlivaje šmat - ledź paśpiavaje čytać i adkazvać.
"Zdaroŭje majo dobra, nakolki heta mahčyma. Užo nie chłopiec, da i žyćcio pakidała krychu", - adznačaje jon u liście.
Palitviazień piša, što biblijateka ŭ haradzienskaj turmie jość, ale jon pakul nie karystaŭsia jaje pasłuhami:
"Knihi mnie dasyłajuć u zakaznych listach. Nie paśpiavaju usich čytać. Idzie šmat haziet, pakul prahledziš, pakul na listy adkažaš i času zusim mała zastajecca. Ale čytaju, zastałasia adna niepračytanaja kniha".
Mikoła Aŭtuchovič udziačny za padtrymku i salidarnaść ad ludziej, mnohich ź jakich da źniavoleńnia jon navat nie viedaŭ. A zaraz stała viadzie ź imi pierapisku. Što praŭda,
nie ŭsie listy ad palitviaźnia dachodziać adrasatam i naadvarot, niekatoryja nie prachodziać cenzuru.
«Na rozdum dali paŭhadziny». Nastaŭnicy z Połacka daviałosia zvolnicca z-za tyktok-błoha2
Kamientary