«U Biełarusi było niemahčyma zastavacca»: Sańnikaŭ u Łondanie daŭ intervju Rojterz
Były kandydat u prezidenty na vybarach 2010 h. Andrej Sańnikaŭ, jaki atrymaŭ palityčny prytułak u Vialikabrytańni, daŭ intervju ahienctvu «Rojterz», piša Chartyja'97
«Samaje hałoŭnaje dla mianie ciapier — maja siamja i jaje biaśpieka», — skazaŭ Sańnikaŭ, kažučy, što jon pryniaŭ rašeńnie źjechać, bo dla jaho było niemahčyma zastavacca ŭ krainie dalej.
«Heta dysfunkcyjanalnaja sistema [režym Łukašenki], — kaža Sańnikaŭ. — Na dadzieny momant [dziaržaŭnyja] resursy nakiravanyja na toje, kab vyniščyć luby pratest. Usio, što za hetyja hady ŭłady dakazali, heta toje, što jany nie zdolnyja na reformy».
Na pytańnie, ci moža Biełaruś adnojčy stać śviedkam revalucyjnych pieramienaŭ, padobnych na tyja, jakija achapili arabski śviet z pačatku 2011 hoda,
Sańnikaŭ skazaŭ «Tearetyčna ŭsio mahčyma».
Jon dadaŭ, što byŭ hatovy ŭziać na siabie adkaznaść i vieści svaju krainu da zbližeńnia ź Jeŭropaj, ale Łukašenka prykłaŭ usie siły, kab utrymać uładu.
«Ja chaču viarnucca dadomu jak maha chutčej. Kali ja budu karysny dla novaj krainy, to, viadoma, budu razhladać mahčymaści ŭdziełu ŭ jaje žyćci», — zajaviŭ Sańnikaŭ.
«Ale jašče zanadta rana kazać niešta… Hetaja situacyja nie źjaŭlajecca narmalnaj dla mianie, heta dzikaja situacyja. Viadoma, ja chaču viarnucca ŭ svaju krainu, u svabodnuju krainu».
Ciapier čytajuć
U Drazdach vystavili na prodaž katedž z rekordnaj canoj — $7,5 miljona ŠMAT FOTA8
Kamientary