«Biełaruś zusim spraviadliva patrabuje, kab ź joju abychodzilisia jak z narmalnaj jeŭrapiejskaj dziaržavaj, tamu i mierki prykładajucca jeŭrapiejskija».
«U nas niama sankcyj suprać asabista Biełarusi i suprać biełaruskaj ekanomiki — jość abmiežavańni, jakija adnosiacca da peŭnych asob i ich dziejnaści», — zajaviŭ pasoł Fiederatyŭnaj Respubliki Hiermanija ŭ Biełarusi Valfram Maas.
Biełarusi treba razumieć pazicyju ES, miarkuje dypłamat. «Biełaruś zusim spraviadliva patrabuje, kab ź joju abychodzilisia jak z narmalnaj jeŭrapiejskaj dziaržavaj, i Biełaruś razhladajecca nami jak jeŭrapiejskaja dziaržava. Mienavita tamu i mierki prykładajucca jeŭrapiejskija», — rastłumačyŭ pasoł.
Razam z tym, zaŭvažyŭ jon, «Biełarusi nichto nie naviazvaŭ svaju volu». «Razmova idzie pra damoŭlenaści i abaviazacielstvy, jakija kraina dobraachvotna ŭziała na siabie ŭ miežach AAN ci ABSIE.Całkam zrazumieła, što dla ES vielmi važna, kab Biełaruś vykonvała hetyja sumiesna ŭzhodnienyja pryncypy», — padkreśliŭ Maas.
Jeŭrasajuz, pavodle jaho słoŭ, sadziejničaje tamu, kab hetyja pryncypy ŭvasablalisia ŭ žyćcio: «My robim usio dla taho, ab adkryć usie mahčymaści dla maksimalnaha abmienu va ŭsich śfierach». U jakaści prykładu dypłamat pryvioŭ prapanovy ES ab spraščeńni vizavaha režymu.
Što tyčycca mahčymaści pašyreńnia jeŭrapiejskich sankcyj, to, na dumku kiraŭnika pasolstva Hiermanii, heta moža žorstka ŭdaryć pa ŭsim biełaruskim narodzie.«Efiektyŭnaść
Pryniaćcie niejkich sankcyj suprać biełaruskaj ekanomiki i naroda Biełarusi nie źjaŭlajecca metaj ES, padkreśliŭ pasoł. «ES imkniecca adrasavać svaje sankcyi vyklučna suprać tych, chto, z našaha punktu hledžańnia, niasie adkaznaść za dziejańni, jakija nie pavinny ažyćciaŭlacca», — reziumavaŭ niamiecki dypłamat.
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?8
Kamientary