Na zaprašeńnie «Ofisa za demakratyčnuju Biełaruś» Brusiel naviedali Natalla Pinčuk, žonka źniavolenaha pravaabaroncy Alesia Bialackaha, i Maryna Adamovič, žonka byłoha kandydata ŭ prezidenty, Mikoły Statkieviča, jaki znachodzicca za kratami ad času vybaraŭ 2010 hoda.
Metaj vizita było prainfarmavać pradstaŭnikoŭ ES u Brusieli pra ŭmovy, u jakich utrymlivajucca palityčnyja viaźni ŭ Biełarusi. U svaim zvarocie da Jeŭrapiejskaj supolnaści delehatki prasili nie pasłablać uvahi da biełaruskaha pytańnia i najpierš padtrymać baraćbu za vyzvaleńnie tych, kto byŭ pakarany za svaju palityčnuju i hramadzianskuju pazicyju.
Spadarynia Pinčuk i spadarynia Adamovič custrelisia z Prezidentam Jeŭraparłamienta Marcinam Šulcam i Kamisaram ES pa pytańniach pašyreńnia i palityki dobrasusiedstva Štefanam Fiule, pradstaŭnikami Jeŭrapiejskaj cłužby źniešniaj palityki (heta anałah ministerstva zamiežnych spravaŭ), a taksama ŭdzielničali ŭ sumiesnym pasiadžeńni Kamiteta Jeŭraparłamienta pa pravach čałavieka i Delehacyi pa adnosinach ź Biełaruśsiu.
Žonki Alesia Bialackaha i Mikoły Statkieviča padziakavali pradstaŭnikam Jeŭrasajuza za salidarnaść i dapamohu ŭ baraćbie za vyzvaleńnie ich mužoŭ dy inšych palitviaźniaŭ, jakija da hetaha času zastajucca za kratami.
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda15
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary