19 śniežnia Abjadnanaja hramadzianskaja partyja (AHP) maje namier pravieści bolš za 100 pikietaŭ pa ŭsioj krainie dla infarmavańnia nasielnictva ab mahčymaj nieprazrystaj pryvatyzacyi bujnych pradpryjemstvaŭ.Pra heta 8 listapada na bryfinhu pavodle vynikaŭ pasiadžeńnia palitsavieta partyi zajaviŭ jaje lidar Anatol Labiedźka.
«My majem namier padać zajaŭki na 115–120 pikietaŭ pa ŭsioj Biełarusi pad devizam: «Vykrali vybary, kab pradać krainu». Heta ŭ niekatorym sensie i praciah vybarčaj tematyki. My nie dumajem, što toj skład Pałaty pradstaŭnikoŭ, jaki pryznačany, a nie abrany, budzie dabivacca taho, kab u krainie prajšła «narodnaja pryvatyzacyja», — skazaŭ Labiedźka.
Jon adznačyŭ, što tema pryvatyzacyi bujnych pramysłovych pradpryjemstvaŭ zaraz atrymlivaje ŭsio bolšuju aktualnaść.«I ciapier dla nas supraćstajańnie „siejfavaj pryvatyzacyi“ — adzin z hałoŭnych pryjarytetaŭ», — zajaviŭ Labiedźka.
Dla AHP, adznačyŭ jaje lidar, heta jašče i ŭspamin pra padziei 19 śniežnia 2010 hoda, i častka infarmacyjnaj kampanii. «My chacieli b rastłumačyć ludziam, što zaraz realna adbyvajecca ŭ krainie. Jość pahrozy pradpryjemstvam, jakija na siońnia źjaŭlajucca narodnaj ułasnaściu», — ličyć palityk.
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary