Maładoje pakaleńnie stvaraje novyja vydańni.
Nacyja zastajecca nacyjaj, pakul jana myślić u katehoryjach ułasnych palityčnych intaresaŭ. «Što vyhadna Polščy, toje vyhadnaje i biełarusam», — taki pohlad naviazvali polskija nacyjanalisty. «Biełarusy z Rasijaj źviazany ŭ nierazryŭnaje cełaje, biełarusy takija ž ruskija, tolki sa znakam jakaści», — a heta pohlad, jaki naviazvajuć rasijskija šavinisty. U vyniku apošniaha ekanomika Biełarusi akazałasia tatalna zaležnaj ad rasijskaj, a realny ŭzrovień žyćcia ŭ Biełarusi — adzin z samych ubohich na kantyniencie.
Ale nie zahasnuć zorki ŭ niebie, nie prapadaje nadzieja na inšy ład, pakul jość u Biełarusi myśleńnie ŭ katehoryjach ułasnaha nacyjanalnaha intaresu.
Nadzvyčaj cikavyja ŭzory takoha myśleńnia my znachodzim u navukovym časopisie «Palityčnaja śfiera», što vychodzić ad 2001 hoda.I čas, jaki vydajecca jon, i źmiest pakazvajuć na hłybiniu i surjoznaść zadumy. Heta vysokaha ŭzroŭniu palitałohija. «Metaj vydańnia źjaŭlajecca zadavalnieńnie patrebaŭ šyrokaj akademičnaj supolnaści ŭ vynikach tearetyčnaj i empiryčnaj navukovaj dziejnaści. Usie artykuły časopisa prachodziać abaviazkovaje ananimnaje recenzavańnie. Adpaviednaść navukovym standartam, a taksama empiryčny ci tearetyčny ŭniosak u razumieńnie palityki źjaŭlajucca kryteryjami dla publikacyi». I, dadam, biełaruskaja mova — markior matyvacyj jaho aŭtaraŭ.
A litaralna ŭčora ŭ siecivie źjaviŭsia novy prajekt: sajt pra mižnarodnuju palityku i ekanomiku «Ideja».I taksama aŭtary dekłarujuć: «My žyviem u krainie, dzie tytulnaja mova nacyi zaniesienaja JUNESKA ŭ «Cpis vymirajučych movaŭ», tamu my ličym nieabchodnym bolšuju častku infarmacyi padavać mienavita na biełaruskaj movie».
Što da ahulnych pastułataŭ, to, pišuć «idejniki»: «my vierym u pryncypy demakratyi i pluralizmu, svabodnaha rynku i pravavoj dziaržavy, biełaruskaj niezaležnaści i jeŭrapiejskaj intehracyi».
«Ideja» pryjšła ŭ hałavu Ryhora Astapieni — chłopca rodam z Salihorska, što zdabyvaje aśvietu dziakujučy Prahramie Kalinoŭskaha.
Zastajecca pažadać aŭtaram pośpiechu i paprasić usich dabradziejaŭ, chto choča spryjać intelektualnamu prahresu Biełarusi, dapamahać na takija vydańni.
Ciapier čytajuć
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU6
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary